يـــا بو محمد ..(الحال غربه).....جديد وصايف تهامية

أعضاء منتدى رباع الاعزاء تحية من قلب افتقد هذا الوطن الأخر في وطني............ بعد غيب أثقل الشعر شوقا جاءت ( أبو محمد ) لتحط مزون الشوق على أرضكم علها تنبت بعد الغياب زهرا أو تسقي الظامي لشعر و صايف .... التي تظما أكثر لردودك و تفاعلكم مع مزون قصيده ....

القصيدة لن أوضحها فهي توضح نفسها ........... حوار بيني و بين دمعة حبيسة خلف صمود أبي الغالي (حفظه الله)

يا بوي ) ... طالت هجرة الطير و الحال=الله وكيلك ما تسرَّك لذلك
قلت اشتكي لك علَّها تخف الاحمال=و الا عسى يبرى جريحٍ لجا لك
الحال غربة ( يا يبه ) يووووه..والبال=ضايع لحاله بين ذيك المسالك
ماهي حكاية حب بنتٍ لرجَّال=و لا طموحي لو طموحي طرالك
المشكلة لو هي عظيمات الاهوال=تجي علينا تحتملها لحالك
و انتَ على راسك ثقيلات و جبال=ساكت و لا بيـَّـنت شي لعيالك
و اشوفها بعينك ( يبه ) دون تنقال=و احسها تذبح فؤادي واسالك:
وش فيك يابعد اللي على دوحتك مال؟وش فيك يا روحي و روحي فدا لك
اشكي وانا ( يابو محمد ) لو اغتال=من دونها فدوة ... و يرتاح بالك
يا طيري اللي هجرته طالت وطال=فقدي .. وهو جنبي و انا لك و مالك
جيت اسألك (يا بوي) و ش مشغل البال؟=يمكن يكون اللي طرالي طرالك
(يا بو محمد) ابشر فكل الاحوال=بنتك أنا أو عدِّني من رجالك
ماقلت لي إنتي عن (الفين رجَّال)؟!=و الا تشوف اني ( يبه )غير ذلك؟؟!!

كلمات / (وصايف أبوها)
وصايف تهاميه