انسان اثيري

نهس الحسوس اجهوم نوّ المخـيله
على مدى شوف الـبـصر للـمخـايل
واليـا لهـيـب الـعـاطـفــه شدً حـيـله
ودنّـت رعـود الوجـد و الـبـعـد حايل
بــرّاق شـوق الـنـفـس ولّـع فـتـيـله
وعلى عـزوم الـنـفـس حاك الحبايل
والـحـالـه الـلي للأحـاسيـس شـيـله
جُــلّ الـتـنـاغــم و الـمـواويـل شايـل
تسري بوجد الـنـفس في الـف لـيـله
في رمــز حـيٍّ مـا تُــردّه حــوايـل
انسان اثـيـري مـعــنـويّ الـوسـيـله
على زهــومـه تـجـتـبـيـه الـوسـائـل
ويـسـج سـجّـاتٍ لـوعــيـّه بــديـله
مبـعد عن الجـثـمان بـأغلى الـبـدايل
تضفي على احلومه صورهاالجميله
ويضفي على حسّه قـطـوف الجـمايل
جــوده بـجـوده من كـمـايـن خـمـيـله
وايـسيّـر اشـعــوره بـحـلـم الجــزايل
ويـعـيـش جــوّه في مسامــر خـلـيـله
كـنّ الـصـعــايـب بـا نـفـصـامـه ذلايل
يـالـلّـي بـعـد مـا صـار فـالـيـدّ حـيــله
عــرس الـمـشـاعــر مـاتــردّه قـبـايل