:: بكل هدوء 1:: مفاراقات شبابية

.



.



مساء معطر بريح المسك .!



.





مفارقاتـ شبابية ..!



اثنين يمشون مع بعض .!


الاول : لابس شماغ بصمة 5000 وطاقية مشخلة من سوق الزل وثوب مفصلة من شارع العليا ونعالهـ ( وانتم بكرامة ) لو يصقعها بوجهـ واحد امسحت ملامحهـ ..! ولا بس ساعة كبر رآآسة يعني اني كشخة ..!

والثاني : شماغ ابو 45ريال شاريه من عند باب مسجدهم بالحارة وطاقية مشخلة 3 بعشرة وثوبهـ مفصله من حقين ابو بـ 100 و زبيريات من ابو بكستن ( باكستاني ) يعني كله واحد عندهـ اهم شي ان نظيف وخلاص .




و العجيب في الأمر .! ومن خلال التيلسكوبـ






ان الأول يوم اتجهـ للموتر الا وش تشووف كرسيداً XL جنوط سوود مضلل ..! ( مع كامل الاحترام لأصحاب الكرسيدات التي كنت من عشااقها الله يرحم ايام الثانوي )


ام الثاني واللي صدم الجميع بتواضعهـ ! اتجهـ الى الموتر حسبنها مضيع و يستهبل على الجميع الا وش تشوووف جيب بقراطيسه من هالتالياااتـ ؟! ويركب ويشغل الموتر ويدز به !!؟

يعني بالعربي طلع ولد نعمة لكن ماحس به احد ..!





عجيبه أمرك يادنيا ..!




نآآس تبحث عن المهاايط ومحاولة اثبات انه راعي كشخة ومحد قدي وناس ماهمها وواثقة ..!




طبعاً المغزى من هالكلام والزبدة ..


ان كل شخص يعيش جووهـ ! ولا يحاوولـ انهـ يحمل نفسه فوق طاقتها لأننا وللأسف نعيش في زمن المظاهر وتنافس على حسابـ الوضع اللي هو عايشهـ ..


فئة ليست بالقليلة تتنافس على جذب الناس اليهم بأي شكل من الأشكال حتى يصل بهم الأمر تراكب الديون من اجل مجارات ناس تكح فلوس ! ليش طيب بيسدد عنك مثلاً ,,!

[ البدائل ] موجودة كثير والتعايش مع وضعك مطلب ومد لحافك على قد رجليك وماحد نافعك . يجيلك يوم تندم على ماسويت ..! وربي يرزقك من عندهـ اذا شكرته على النعمة .

يعني لازم تشتري سيآآرة الفلانية اللي قيمتها تقصم الظهر ..! و يوم يطلعها وجه جاهـ مشق من كثر الابتسامة وبعد كم شهر يون ون ..! لأنه اكتشف وبعد التفكير ان الوكالة لازخينه بفائدة لو تأكل كرتون بندول ماتعدل الرآس منها ..!

والغريب ان راتبه قليل مرة يدوب يكفي لأخر الشهر لكن لزووم [الكشخة المزعومة ] انك تسوي كذا وبدون تفكير ,.!



بس خلاآآص ..!

<b><FONT face="Simplified Arabic" color=#ff0000 size=4>لحظة وقف .! <FONT color=#0c0c0c>