أخبار عزوبي من قلب الحدث / برعاية قروب نواف

أحب دايم لاجت الساعة ست ونص الصبحيٌة اخذ لي كاس حليب بودرة .
هذاك اليوم رحت لأسواق الماجد اللي عند سوق الخضرة بالبديعة . واخذت لي قوطي حليب كبير العلالي . همٌن رجعت البيت وشافته امي ونقدت علي قالت وانا امك ترا مثله مثل السيريلاك عمرك قرٌب للثلاثين وانت تحب البودرة وفشفاش زمزم الأخضر
قلت يا ولد هذي امي كلامها عسل على قلبي , خلني بس افك الحليب واسوي لي كاس وارقا لغرفتي . يوم فكيت الحليب الا القى به ملعقة صغيرة حقت رضاعات وانا اللي انقد على نفسي وانسدت نفسي عن الحليب كلٌه !

للي يسأل عن سنوني , توني اليوم جاي من الدكتورة حنان في مستوصف الشمائل على شارع الابراج , والله يا عليها شغل بسم الله عليها كل ما ادخل عليها تقول ازيك يا فيسل ؟ ان شاء الله كويٌس
عاد انا والله حاطها حسبة أمي كل ما ادخل عليها من الحماس معها شوي واحبٌ راسها
المهم وهي تشتغل قلت يادكتورة ؟ ماتعرفين واحد اسمه عزوبي مارج يكتب في كل المنتديات ؟

ودام شاب في ولد جدٌه , ودايم يحب يلبس مقلم في روحاته وجياته ؟

ودايم لاجت الساعة وحده ونص بالليل نزل يغسل سيارته ويفكك صواميلها عشان يلمٌع الكفر !؟

قالت لي أعزوبي يا واد ؟ قلت يا بنت الحلال عزوبي عزوبي مهوب أعزوبي غربل الله بليسك

اليوم جايكم ببقشة , واخوي فيٌاض حالف يعشينا تيس كامل بمناسبة الرئيس المخلوع سلطان بن فهد الله لايرده , والله اني ما اشوفه الا اذكر بابا فرحان عليه راس كأنه دولاب كيسان

شوفوا الخبر ,

بعد ثبوت فشل الخطط المدروسة وتدهور حال منتخب كرة القدم..



هالرجال له خمسة وعشرين سنه وكل لقاء صحفي معه ,
يقول هُناك خطط مدروسة , راح يتم تنفيذها بإذن الله .
وايضاً سيتم اضافة كوادر شابة ومتفتحة . لتطوير الرياضة السعودية . ثم لا قاله المذيع شكرا سمو الامير .
ثم يناديه سلطان بن فهد . ولايفوتني كذلك ان اقول لك ان المنتخب اليووووم قدددددددم المستوووى المطلوب . وهذا يعود بفضل الله اولاً ثم بجهود المدررررب








هاللقاء معه بعد ما أقاله تاج راسي ابو متعب ,
وسأله المذيع في هاللقاء ويقوله ليه اقالوك يا سمو الامير ؟
جاوبه :- انا طول رئاستي لرعاية الشباب . مُتحلي بالأخلاق السعودية وضبط النفس
ومع ذلك فشلت بكل اسف خُططي المدروسة . واتمنى لسمو الامير نواف بن فيصل التوفيق والسداد في مهامه الجديد ,

اقتباس:
صدر قبل قليل أمر ملكي في السعودية بإعفاء الأمير سلطان بن فهد من منصبه بناء على طلبه وتعيين نائبه الأمير نواف بن فيصل بن فهد رئيساً عاماً لرعاية الشباب بمرتبة وزير.
ويأتي إعفاء الأمير سلطان عقب تدهور حال منتخب كرة القدم السعودي وثبوت فشل الخطط المدروسة التي قيل أنه كان يسير وفقها, بجانب تعرضه لهزيميتين من منتخبي سوريا والأردن الأسبوع الماضي أثارتا غضب الجماهير السعودية.

جا ابو متعب الله يطوٌل بعمره وقال تعال يا ابو خطط مدروسة . مسويٌ فيها انت ؟
في كل لقاء خطط مدروسة خطط مدروسة ؟ وين راحت ميزانية الرياضية . ولك راتب يمشي بما انك امير ؟ شاطر لي بس jطلع بالتلفزيون .. وعطني الرومي


:
:
:



الحرمة كائن زين , وكائن جداً لطيف وهي نص الدين اذا اعرسنا ان شاء الله
وهي بعد امي واختي وزوجتي وعمتي وخالتي . يعني الحرمة تراها شي زين والحرمة خصوصاً انا اذا كنت طفشان . وطلعت برا البيت ووقفت عند الاشارة وشفت رجال جنبي يتساسر هو وحرمتة ويتبوسمون . التفت للمرتبة اللي جنبي يا القى " صامولي " او القى سبحة واحد من خوياي كان راكب معي واقول ايه عسى الله يجيبها بس بنت الحلال ونصير نتعشا انا ووياها في فوٌال الطايف واطلب لها صحن شكشوكة عدني . وحليب شاهي وانا اناظر فيها بس وهي تاكل . واسمي عليها واذا انكسرت يدها ان شاء الله بعدين . اتشمت فيها لأنها ماتقدر تروح الحمام
بس بعض الحريم ياشيخ ماودٌك فيها !
فيه حرمة عمرها فوق الاربعين . فاضية ولاعندها من رمضان يوم . واشغلت دوريات امريكا . عاد ليت بيتها منسرق والا شابٌن نار ! الا تدق عليهم تقول اظافيري طويلة وش الحل ؟
انا لو اني مكان العسكري اللي كلمته بـ " 911 " قلت وين بيتس بأجي اقصقصهن لتس ,
ثم اروح لبيتها . واخذ ولاعتي واشب بأظافرها خلٌها تخر من فوق وتحت بنت اللذينا
اخليكم مع المقال ,

واشنطن - عبرت شرطة وينتر بارك في ولاية فلوريدا الأمريكية عن عزمها إفهام الناس المغزى الحقيقي من الاتصال بخدمة الطوارئ (911) وذلك بعد زيادة عدد الاتصالات التافهة وآخرها اتصال امرأة شاكية من طول أظافرها. وذكرت شبكة سي إن إن بأن الشرطة ألقت القبض على شخصين هذا الأسبوع لاتصالهما برقم الطوارئ من دون سبب وجيه، مشيرة إلى أن أحد الموقوفين امرأة اتصلت بالشرطة شاكية من عدم إعجابها بطول أظافرها .
وقالت السلطات في المنطقة أن امرأة في الـ44 من العمر من منطقة دلتونا، اتصلت عدة مرات بالرقم 911 لأنها لم تكن راضية عن طول أظافرها بعدما ذهبت إلى أحد صالونات تقليم الأظافر.
وقال مفوض الشرطة أن المرأة اتصلت برقم الطوارئ 4 مرات على الأقل، وكانت تسأل بشكل مستمر عن عناصر الشرطة ومتى سيصلون إلى الصالون ، وفيما إذا كانوا سيسوون النزاع بينها وبين مالك المتجر بشأن دفع أجرة تقليم أظافرها. وقال مكتب مفوضية الشرطة أن المرأة تشاجرت مع الشخص الذي قلم أظافرها وأصيبت بجروح طفيفة.
من جهة أخرى قالت المفوضية إنها اعتقلت رجلا آخر يدعى لورانس غوتييه (61 عاماً) بعدما اتصل بالطوارئ 16 مرة منذ نوفمبر الماضي، ليطلب طبع بطاقات له، إلى جانب السؤال عن رجال الشرطة وأسمائهم.

الواضح بالخبر . ان فيه شايب معرعر داقن على 911 ومشغلهم يبي يطبع كروت .
لاتقولون عزوبي ماقال . بعد كم شهر يطلعون الامريكان دراسة علمية مدروسة ,
ان اكثر طبقات المجتمع ازعاج للطوارئ هم الشيبان اللي تقاعدوا من دواماتهم ومالقوا شغل .


:
:

مثل ماقلت لكم فوق حبيبني الاعضاء وزميلاتي العضوات ,
اني اقدٌر الجنس الانثوي بكل اشكاله , واحتري متى اليوم اللي اعرس فيه وافتٌك منكم
بعد ماقريت هالخبر . طقٌتني ام الركب واقول ياعزوبي تزوٌج لك وحده بس . من حصلٌها غيرك ؟
وحده ازين من لاشي . وحده يا رجال وتعوٌذ من ابليس . وحده ياعزوبي وودٌها كل يوم مشغل خلها تفبٌرك بوجهها وتسوي حاجات تفتح نفسك عليها
وحده ياعزوبي لايصير لك مثل اللي صار بهالخبر .
رجال من بنقلاديش . تزوٌج له اربع حريم وكل وحده يروح لها ويقول انا ما اشوف غيرتس اصلن وانا مستحيل اتزوٌج عليك . وملعون الصير ماخذ له 3 من وراها
المهم انه راح لاخر وحده اعرس عليها وقال انا اليوم بأمشيتس ولاعندي شغلة غيرك . ولو تبين عيوني يا كوماره يجنٌك
المهم انكفش الرجال يوم وداها منتزه لقا حريمة الثلاث هناك ودرن حريمه انه هلٌاس وتسذوب وزلابه . اتفقٌن كلهن عليه وراحوا له وهقصوا عميره ,
والله يالحريم انكم ماتلعبون هههههههههههههه بس ربعنا سعوديات . لو درت ان رجلها اخذ عليها راحت تصيح عند امها يومين ثم ترجع لبيتها وكن شي ماصار . ولاااا ويجي يلعب عليها زوجها ويقول انتي ام العيال وانتي راعية الاوله وانتي اللي مامثلتس احد وانتي وانتي وانتي .. إلخ
وانحل الموضوع

تابعوا الخبر .



دكا - ضربت أربع نساء في بنغلاديش زوجهن حتى الموت بعد أن اكتشفن أنه جمع بينهن بدون علمهنّ.
وذكرت صحيفة نيو أيج البنغلادشية أن يونس باباري (46 عاماً) الذي يعمل كسائق توجه برفقة زوجتيه إلى قرية مجاورة لقريته قرب فاريدبور وسط البلاد لحضور مهرجان قروي، والتقى هناك بزوجته الثالثة ما أثار شجاراً عائلياً، بعدما تبين أن الزوجتين الأوليين لم تعرفا أنه متزوج من امرأة ثالثة.
وخلال الشجار، اكتشفت النساء الثلاث أن الرجل متزوج من امرأة رابعة أيضاً تقيم في قرية مجاورة. فاصطحبن يونس إلى منزل الزوجة الرابعة في قرية كابيربور، وقال شهود إن النساء الأربع تجمعن حوله وانهلن عليه بالضرب بلا رحمة ونقل إلى المستشفى وهو بحال خطر، ثم توفي متأثراً بجراحه

يالله صلاح العطا . ويزوٌجني يارب وحده بس واصير انا ووياها نسولف عند امي ( قلب )


:
:

قلت لكم قبل ان ربعنا السعوديات فوق , وش زينهن ناعمات بالحيل ولاهن مثل البنقلة اللي فوق !
الوحده ان احتجٌت على عرس رجلها بوحدتن ثانية راحت . راحت تصيح عند امها يومين ثم رجعت لبيتها . ويادار مادخلك شر

رجال سعودي وشكلٌه جنوبي الله اعلم لأن اهل الجنوب يحبٌون الحريم وياكثر حريمهم تلقون الرجال تموت حرمته الصبح يعرس عليها المغرب
وبعد ما تأكدت من الخبر طلع اللي ماخذهن جنوبي بحت
والمثل الجنوبي يقول .
لاتاخذ السيارة بعد بدوي . ولاتاخذ الحرمة بعد مطوٌع

اخذ له مدير ومدرسٌة بنفس المدرسة . اللي هم يدرسٌون فيها . وكل وحده تسأل طبينتها هاه وش سويتي له البارح عشا ووش لبستي له ؟ تلقونها تبي تعرف وش سوت عشا ووش لبست عشان الليلة تلبس احسن منها وتعشية من غصن التوت ,

تابعوا معايه ..



ذكرت مصادر صحفية سعودية اليوم السبت أن رجلا سعوديا تزوج من مديرة مدرسة ومساعدتها ومعلمة في جازان (جنوب) المملكة العربية السعودية، بمساعدة من زوجاته.

وذكرت صحيفة " الرياض أون لاين" الالكترونية أن رجلا في جازان عزم على الزواج فتزوج مديرة مدرسة وظل معها فترة من الزمن، وبعد ذلك طلب من زوجته (مديرة المدرسة) أن تبحث له عن عروس، غير أنها لم تجد عروس أنسب لزوجها وقريبة منها ومتفاهمة معها من مساعدتها التي تعمل في نفس المدرسة".

وسمعت المساعدة أن زوجها يبحث عن زوجة أخرى فرشحت له إحدى المعلمات من نفس المدرسة وتقدم لها وتزوجها، ليصبح الزوج متزوجا من مديرة المدرسة ومساعدتها وإحدى معلمات المدرسة وجميعهن يعشن الآن في عمارة سكنية واحدة.

مايلعب هذا ابد

:
:
:

مصر دولة زينة . ويسموٌنها ام الدنيا لأن كل شي فيه تلقاه حتى الحوايج اللي تاكلها المره بعد ماتولد تلقونهم باسطين بها عند النيل .
وغير كذا ان شوارعهم كلها فيها ريحة ثوم . وريحة بصل وبعد المغرب . تلقى ريحة السمك صاكة الدور العاشر . وهذا سبب تفوقٌهم ترا دكتورتي هذي اللي تعالج سنوني مصريه وتقولي ان عندهم الفول الاصلي اللي يفتٌح المخ خمسة بوصة للدراسة والعلم .
ويقولون بعد ان جامعة الازهر . ماعاد فيها ماطى رجل من كثر طلابها . ويقولون بعد ان افشل طالب عندهم يدرس طب اسنان . وحنا الكلية التقنية بس تدرس حاسب الي وميكانيكا سيارات
بس مشكلة هالشعب في حتسيهم .
حرام = بالمصريه حرام
ذنب = زنب < ماشي الحال
صلاه = بالمصرية صلاه < جميل جداً .
صيام = بالمصرية صيام < ممتاز جداً .
طالق = طالئ < هنا المشكلة , .. وتابعوا الخبر عشان تفهمون .

مفتي مصر: طلاق المصريين لا يقع لأنهم ينطقونه بالهمزة (طالئ)

هالشيخ السبهه . ولا احد يجيني يقول مايجوز تكلٌم فيه هههههههههه
لعنبوا بليسه مالقى له شغل واصدر هالفتوى , يا اخي ماعندك شغل ؟ رح تسنن بجامع الأزهر



القاهرة - أثار الدكتور علي جمعة مفتى مصر جدلاً واسعاً بين علماء الأزهر وبين الجمهور الذى تلقى فتواه الأخيرة حول الطلاق عبر وسائل الاتصال والإعلام.

وكان علي جمعة قد أعد بحثاُ عن الطلاق أورد فيه أن طلاق المصريين لا يقع لأنهم ينطقونه بالهمزة وليس بالقاف، فيقولون "طالئ" وليس "طالق"، مستندا فيه على رأي قديم للفقهاء كانوا يعتبرون لفظ "تالق" والتي كان ينطق بها البعض وقتها لا تعتبر طلاقاً، والمعلوم أن الطلاق يقع باللفظ مع النية، ولفظة الطلاق أو ما يعنيها تعني وقوعه، وأن من لفظ الطلاق نوع، صريح، وهذا يقع بمجرد لفظه حتى لو لم يقصد الإنسان الطلاق، فلماذا خالف الدكتور على جمعة مفتى مصر ما قاله العلماء، ولماذا ذهب إلى رأى قديم في هذه الآونة وأطلق هذه الفتوى؟.


طيب يا اخوي . حتسي من اول مهوب زي حتسي اللحين .
يا ابن الحلال جدٌي صويلح لو انه حيُ واسأله تعرف سقها ياجد ؟
أكيد بيقول لا . ولو بسأله وش معنى تزلفا وراك ؟ بيقول معناتها سقها
كل الطرق نفس الكلام هيٌه هيٌه .

اول شي . احبكم
ثاني شي , طوٌلت عليكم بس والله طحت لي بشاهي رايق وقلت يبي له موضوع هالشاهي ,
سابع شي . اقولكم احتروني .

من قلب الحدث عزوبي سماره , قروب الشيخ نواف باشا


قراتسية .

المزيد...

يسلمو والله