بين جيلين ؟؟

مساؤكم خيرات ..

وصباحكم بسمات ..

محور حديثي هنا هو التربيه بين جيلين ..

انطم؟؟ ..انت وش عرفك ووش فهمك بهالاشياء ؟؟..ليش تقعد مع الكبار و..و...؟؟

عبارات سخرية لاذعه
من باب التندر على شباب وبنات هذا الجيل

مثلا انهم شخصيتهم ضعيفه على عكس ماكان عليه

شباب وبنات الجيل السابق لهم

سؤالي ؟

الى متى التعامل المتعالي يكون حاجز عن المصارحه مع الابناء ؟

هذا مجحف لهم يشعرهم باستصغار النفس وضعف الثقه والهروب

للمجهول

ويبان أثره مع الوقت..

هنا مكمن العله والداء وينتج عنها شخصيات الأبناء من بنات وأولاد

ولما تكبر هي نتاج غرس اسلوب التربيه والتعامل من الأم والأب

اللي انزرع في سنوات عمرهم لدرجه انك تشوف احيانا شقيقين او شقيقتين

ولكل منهم اسلوبه الخاص ف تربية اولاده

وبالتالي شخصيات اولادهم مختلفه جذرياً بسبب اختلاف الرؤيه والوعي

والقناعات في طرق التربيه بينهم!

مازلت اشعر ان الأباء والأمهات محتاجين لجرعات وعي وتثقيف بهالناحيه
وادراك اهميتها لأن بناء شخصيات الجيل على اساس سليم يعتمد على

هذا الشئ

واذا كانت القناعات السائده عند البعض تتمثل بقولهم

يكفينا اننا موفرين لهم الملبس والمسكن

والمأكل والتعليم والرعايه الصحيه الخ

ويحتجون بانه اش يبي ويحتاج الأبناء أكثر من كذا والزمان يصقلهم

والمجتمع يربيهم اذا كبروا وعاشوا فيه وخاالطوا الغير

فيه اباء وامهات هذا منطقهم اللي يترجم عملياً ... وان لم يعبروا عنه

بالقول صراحه !!

نقاش يحتاج لرايكم ورؤياكم استاذتي ..

فهلا تكرمتوا بالحضور ..

رضا ربي يغمرني ويغمركم ..


عناقيد..}