%%% (( قلعتها )) %%%

مادام عيني تحبك .. خلّ دمعتها=تذرف .. ولاتمسح الدمعه بمنديلك
قلعة دموعي .. وحتّى العين قلعتها=ناصحتها عنك..لكن دوم تبكي لك
يَمّك هواها..ورغبتها..ونزعتها=تصحى معاك النّهار..وساهره ليلك
أشواقها لك..وروحتها..ورجعتها=ماتمشي إلاّ على الدرب المودي لك
من حُبّك!..الموت جاها قبل ساعتها=ما قالت أرجوك في هاتفك وإيميلك
الدمع شوّه حلاوتها وروعتها=ويلك من الله على ما صابها ويلك
جاحد..وناكر..ولاها لك وطاعتها=من بعد ماسلّمت روحي وقلبي لك
ما يوم قدّرت لهفتها ولوعتها=حتّى فيَ العيد ماشافت مراسيلك
***