الا يا من يبلغها

الا يا من يبلغها كلام العاشق الولهان=رسالة روح مشتاقه لخلٍ طول الغيبات
غدا قلبي من الفرقا تقول الجايع الضميان=عيوني تشتكي قلبي وهو يتلي لها الونات
بديل الشمس خاواني هو الزاير وانا السهران=نقيض النوم سامرني نسيت الوقت والساعات
يهيم ابداخلي نفحه وفجأه بنقلب طوفان=مشاعر داخلي تسري وتتلاعب بها الهقوات
اهيم ابحبها وابحر خيالي للهوى ربان=مجاديفي من اشواقي اصارع واغلب الموجات
لها بسمه الا ضحكت لها تسلم ملوك الجان=خجولة بابتسامتها وتذبح قلبي النظرات
الا نقلت خطاويها تقول الحاكم السلطان= تقول الطبل لا دقت عليها تنقل الخطوات
نعومتها تلويها تقول اليانع الرويان=الا هب الهوى ميًل وتتلاعب به النسمات
شفايفها بها ذابت خمور الكون يا سكران=الا جاني هوى الخمره نعمت ابخمرها لحظات
الا يا من يبلغها ترى قد هدني الحرمان=ولا باقي من احلامي سوى بسمة صفا لا جات