اهداء للشيخ أبو عادل

هلت تباشير الفرح واسفهليت=وهلت تباشير القبيله واﻻوطان
وغصن الشجر يرقص طرب يوم حليت=وصوته من الفرحه تناغيم والحان
ياذا الحمام اللي على الدوح غنيت =فرحان اظنك مثل مانيب فرحان
والكل هلا باابو عادل وهليت=يامرحبا بزهور كادي وريحان
وللعود اﻻزرق فالمباخر تناهيت=فرحان وعطوره تشاكيل والوان
لو زعفران اﻻرض بالكف فليت=بذره تحت رجلك زوالي وميدان
ياراعي اﻻحسان ياعالي الصيت=صفوف عرضتنا لك الطيب واحسان
الله من شملن على الطيب لميت=ومتباغضين وصاروا احباب واخوان
وياما بذلت من العطايا ومديت=وياما مسحت دموع جايع ويتمان
وياما لقبيلتنا العزيزه توليت=ووحدت شمل الكل حضرن وبدوان
وعادل مع اخوانه على العدل ربيت=ونسل الذهب ذهب بعنصر وميزان
على الوفا والطيب والجود وصيت=شجعان تاخذ من شغاميم شجعان
يالربع لو عديت والله ماحصيت=ومااخفت يمينه عن شماله فﻻبان
مرضك يمرضنا والى من تشافيت=شفاك يشفينا على مر اﻻزمان
الجو صار اليوم بحضوركم ليت=يفوق نور الشمس ونجوم اﻻكوان
ومبرووك طيارتكم اللي استقليت=اللي تشادي البرق في عين اﻻمزان
والله لو اسوي لﻻاراء تصويت=واسوي لتصنيف اﻻصوات حسبان
قالوا بصوتن واحد ودون تفويت=تستاهل المطار باالحيل مليان
سامح قصوري كان بالقاف ماوفيت=ﻻنك اكبر من قصايد وقيفان
وعساه فاالفردوس يبنى لكم بيت=ومع النبي تنعم بجنه ورضوان
ماناض براقن وربع سباريت=صلوا على المبعوث من نسل عدنان

من اخوكم ومحبكم سعيد بن عزيزالزهراني - رباع

صح لسانك ملايين يابو مشاري على القصيدة وروعة الابيات
مامدحت الا شيخ مقدر يستاهل المدح كريم واجودي من بيت كرم وجود

سامـح قصـوري كـان بالقـاف ماوفـيـت
..........................ﻻنـــك اكـبــر مــــن قـصـايــد وقـيـفــان

صدق الشاعر وصح لسانه

وشكرا صقرنا المحلق على الاختيار الرائع .

صح بدنك يا النشمي شكرا جزيلا على روعة الرد