مشهور وصقر الجنوب في احلام الهمس

بسم الله الرحمن الرحيم


السلام عليكم ورحمة الله وبركاته
اعزائي لا زلت عند رأيي اي مضايقه في احلامي الغوها فورا تعرفون النوم سلطان والنائم لا يختار الأحلام
خلونا نشوف الحلم

البارح الله يسلمكم ما رقدت على طول رقدت على عرض وقعد افكر في الحبيب مشهور والغالي صقر الجنوب قلت يالله احلم فيهم حلم حلو من غير شقاء ولا تعب المهم اخذت الكوب المعهود بعد وجبة عشاء كانت دسمه مرررررره
عصيده+دغابيس+مرقوق وشوي مطازيز على كم حبه كليجه وحليت بأم علي بعد الفواكه والفتوش وبابا غنوج وتويس صغير
(العصيده+الدغابس+ زائد المرقوق )
اكلات شعبيه جنوبيه تشتهر بها زهران غامد وبني مالك وما جاورها
المطازيز اكله تشتهر بها وسط المملكه نجد والقصيم وايظا الكليجه
والباقي اطباق مشهوره طبعا ام علي مصريه لذيذه


عاد رقدت وشوي الا والحلم بداء

وانا اشوف العم مشهور مدير عام وزارة التجاره ياهو طيب وحكيم في قراراته بس دوخ الموظفين بالقرارات
والمدير التنفذي الحبيب صقر الجنوب الله يصبحه بالخير بس ياهو دكتاتوري وعنيد ويبغى كل شيء في مكانه

اذا اصدر القرار مشهور يعلنه الصقر بس عاد مو اوراق وخرابيط ونشرات لا صقر الجنوب يجمع الموظفين في فناء المبنى بعد ما يطوف عليهم تعبت اجامل بالطبل وينبه قرار من المدير العام مشهور ادامه الله اجتمعوا في الفناء

وشوي الا هم متجمعين في الفناء وهو يظهر عليهم الصقر حاملا في يده مشعاب لو يقع على رأس يهودي يسلم
ويبداء خطابه قائلا اني ارى رؤسا قد اينعت ويكمل الخطاب والقى خطاب طويل عريض نختصره
يقول الصقر يا ايها الموظفون اراكم في مكاتبكم متسدحون وعن ألسواق نائمون وللأكراميات والهدايا اخذون وارى السوق تسرق المواطنون فهل انتم منتهون ام في غفلتكم باقون)
قال:
الطماط وصل سعره 100 دولار وانتم ما تدرون والبطاطا تكاد تنافس الذهب المصون
وينكم عنها وهو يقوم موظف عنده مدري هو احساس رباع مادري وجهه مو واضح قال يامديرنا الحبيب وهو بتنافض الطماط يوصل لين البيت بدون تعب وش درانا
وهو يرنه بالمشعاب على راسه الا الرجال منسدح قال خلوه لا تشيلونه يستاهل
وهو يكمل
قال التجار لاعبين لعبتهم الي بريال يحطونه بـ10 وانتم ما تدرون البنقاليه يعيدون صناعة الزيوت ويبيعونها
والهنود يجمعون القواطي ويبيعونها وفاتحين محلات والعالم تبيع وتشتر كل واحد بمزاجه
والسوق ممتليء بالهنود وألأجانب والسعوديين متسدحين ماهم لاقين وظايف لعنبوكم استحوا حللوا رواتبكم
وهو يصارخ ويصايح من العصبيه يحرك ايديه وهو يلمخ واحد جنبه بدون شعور منهو منهو ان كان ما خاب ظني مراجع والظاهر انه عنتر والا عنتر متعلق هو وسيفه في الشبك الي جنب العماره الي جنب الوزاره ياجماعه خفت على الصقر لا يطلعون له بني عبس يمسحون وزارته مسح وذيك الساع وش ينقذنا من الغش كذا وحنا ماحنا ملحقين
المهم عنتر بلعها وسكت وخذ خيله ولا شفنا الا غبار الخيل وهي طايره
المهم الصقر ضبط الجماعه وقالهم يالله انصرفوا وياويلكم القى احد ماخذ اكراميه والا هديه من احد
قالوا حاظر يا طويل العمر
وهو يعود عند مشهور ويبلغه قاله مشهور خلك سياسي وخل عنك الدكتاتوريه وكل شيء بيزين قال وانت وش تكتب قال قرار جديد قال طيب
كتبوا القرار وخلصوا قال صقر الجنوب لمشهور ليش ما نروح ناخذ لفه في الأسواق ونشوف وش الوضع وافق مشهور الله يبارك فيه وطلعوا
اول ما طلعوا من الوزاره حقتهم الا مشهور صاقع في عربيه يجرها بنقالي وهي تطيح على الأرض وصقر الجنوب يوقم مشهور والا ذيك العربيه فيها مالذ وطاب من العصيرات المنتهية الصلاحيه وبطاطس مقليه في زيت سيارات
وذره من سنة السبله وهو يصيح مشهور وش التسيب هذا وقدام الوزاره قال صقر الجنوب ماعليك اما انظف البلد من هذي القاذورات وتشوف
كملوا مشوارهم
لقوا اللحم فاسد والمعلبات منتهيه والقمشه لامست عنان السماء بالأسعار ومروا على محل كلتب 100% تخفيظات
قال مشهور بس يعني هذا يبيع ببلاش خلنا نشوف وش ذا الكرم دخلوا الا السعر وين طاق السما قبل التخفيض كانت اشوى
وطلع مشهور زعلااااااااااااااااااااان واصل حده وصقر الجنوب يصيح من القهر معقول هذا حال بلد حنا ماسكين فيه متابعة الغش التجاري
وهم يروحون مجمع تجاري ياهو مجمع ييييييييييييييييوووووووووووه مجمع بس ودك تاخذ دله وتقعد عند الباب قال ايه هذا الزين
دخلوا المجمع
عالم اخر ودوله اخرى
الشباب الي مادري كيف نص بنطلون برمودا على ما اعتقد والي لابس جنز الحزام حقه لين نصـ0000000000)
والقصات والموبايلات قال مشهور الحين ذولا شباب والا بنات قال صقر الجنوب( والله لامع ذولا ولا مع ذولا)
هاه يعني بالنص حتى هم موعارفين اي جنس ينتمون له !!!!!!
وهو يشوف ذا البنات الي الواحده تقول للقرد قوم اقعد مكانك مافيه طيب الا حاطته ولا فيه بودره الا صابغه فيها
وهو يركز صقر الجنوب يقول كيف هذي راعية النقاب حول اعيونها بيضا وايديها سود وش السالفه
اللغز هذا ماقدرنا نحله لين الحين وليه الحركه ما ادري؟
وهم يشوفون العجب ويدخلون محل وسالوه عن قطعه ولا هي قطعه شكلها فستان بس يفضح اكثر مما يستر قالوا كم هذا قال لهم البائع خيو هيدا بيجي لو شي 1500 ريال عشانكو ها وصناعته فرنسيه وتو واصل من باريس بس امس وهيدي اخر اطعايه هون يعني بتلحئو عليها او لا
عاد الصقر على اسمه دقق وطالع قال بس هذي مكتوب عليه صناعه محليه ايش الغش هذا قال خيو ما عليش
نسينا نبدل الورءا هيدي خذ غيرو مبدلينو جاهيز
قال بدلوك بحمار اوريك هين
وهم يخرجون ويروحون الوزاره وقرروا توظيف دفعه من المتابعين الجيدين لحركة السوق والأسعار والسهر على راحة المواطن
ورجعوا وهم يلاقون اوراق الأستغناء عن خدماتهم لزيادة امانه عندهم
وهو يعصب الصقر ويضرب مشعابه في الطاوله وانا اتخرع واقوم
وسلامتكم

حلم يليق بمشهور وصقرالجنوب
صحّت احلامك ياايه الهمس

هكذا تكون الاحلام الهادفــة

مع المشاهير

لتنقية المجتمع من الشوائب

نام يا همس ... واحلم ... وأحكى لنــا أحلامك

يا أخي بلشتنا بذا الحلم .. شكلك طحت في كل الاكلات الشعبية تقول يوم عيد وبعدها ماعاد بيجي أكل خلاص ؟؟؟!!!!! ياخوي خف على نفسك من ذي التهاويل اللي تتعاطاها دغابيس + وكليجة + أم علي ماتجي الله يهديك بس زين انهم ماودوك المستشفى يعملون لك غسيل معده .....
احلامك باقي مدري ابتودينا ...

علي السبيه
يايها البطل يستاهلون والدور جاي والله ياهو دور
مرورك جميل علي


ام رتيبه لك مني كل ود وتحيه دائما ما انتظر ردودك ومرورك
ما اجمل المرور

صقر الجنوب رساله موجهه للأستاذ مشهور دعه يقف هنا للحظات

بعدين تقعد كل يوم تحسدني على الأكل ياخوي ارحم لا عاد تخوفني ترى ما اعد انام وانت المسؤل يمكن اهستر


تحياتي لكم جميعا
محبكم الهمس

هههههههههه

الصراحه ابغي اشوف احلامك بس بشرط ماتتعشاء وتنام بدري يمكن ماتتحلم ويمكن تنجن ههههههه

الصراحه موضوع هادف بس مع صقر الجنوب حق احلامك باقي مدري ابتودينا ...

هههههههههههههههههههه
يعطيكم العافيه جميعا

اخي الكريم الهمس اسعد الله اوقاتك بالخير والمسرات
اخي الكريم كلام جميل وقرارافي محلها وانظباط ولاكن كثير
من الاحيان تاتي الرياح بمالا تشتهي السفن صاحبك الاستاذ صقر الجنوب
يقول لنا انتم مقصرين لم تتابعون وتعطون كل ذي حقا حقه ونتابع ونتبهذل هنا
وهناك ونشوف في الوزارة والعمل والعمال والي نلقاه نايم في القهوة ولى نلقاه
وضع عمامته على طاولت المكتب وراح يشيش ولي نلقاه بصم وخرج يجيب الاولاد
من المدرسه والي نلقاه جايب شوية ورد في ايده قال يعطيه المدير وهو كان في المستشفى
وهلم وما جرى العربيه الى نطحها الحمار ونقلبت كانت فعلا بضاعة منتهية الصلاحية وقد
تابعناها من اول ما طلعت من المستودع وكانت في طريقها الى هناك في مكانها المعهود لاكن
قالو خلنا نشوف نترزق الله وهنا ناس ما يقراوون التاريخ على المعلبات ولا على العربيات ولا
على رووس الحمير وحصل ماحصل وياليت هذا حصل من زمان فقد يكون الاتجاه الى احد مطاعم
المندى او مطاعم الشورمه ابشرك ان الشورمه اليوم يدوسونها برجولهم بعد ما يحطون الخل ويا الله
السلامه ازيد على ذالك العصيرات روح كل سوبر ماركت ستجد العجب العجاب بشرط انك تقرا التاريخ
قبل ما تفرغه في معدتك والى الله يعينك اوه ذكرتني الصيدليه الصيدليه ياسلام صيدلية ايه العلاج تلقاه مكتوب
عليه وزارة االصحة لايباع هذا الدوا الى بوصفة طبية اشتري وخلك رجال اشرد قبل لايجونك حقون وزارة الصحة
فيه كثير وكثير بارك الله فيك من الاشيا المهمه والله لو تدور تلقى كل شي مضروب والباقي على الله شكرا لك وشكرا لسعت صدرك

شكل الأحــلام تبع الهمس

سوف تتحول غلى أفلام سينمائية !!!