من يرد

اللي يبغا يرد على القصيده يتفضل
ولو اني اخاف تضربونها طناش

البدع
الله يديم الرضا لهل القلوب المودات
شدو سواعد بعضكم ياعيال الحموله
واللي تجمل نقول اقديت وافي وجمال
البغض يبيري القلوب بري المناشير للعود
لو مااجتمعنا على علم الوفا ماجملنا

اخي علي

اسعد الله اوقاتك

طبعا انا مريت واعجبتني القصيده .. ورديت عليها واتمنى ان يكون الرد مناسب .. ولك التقدير والاحترام من اخوك البرق اللامع ....

*=
البدع : علي السبيه=
*=
الله يديم الرضا لهل القلوب المودات =
شدو سواعد بعضكم ياعيال الحموله =
واللي تجمل نقول اقديت وافي وجمال =
البغض يبيري القلوب بري المناشير للعود =
لو مااجتمعنا على علم الوفا ماجملنا =
*=
الرد: البرق اللامع=
*=
البرق قال اللذي يقوى الحمول المودات=
العود سمحان مايشكي الضما والحموله=
والونعم اللي بنى رشده وفارس وجمال=
تشهد حروف القلم فوق المناشير للعود=
واشهد بها مابنرضى فيك لا ياجملنا=

صحت ابدانكم ياشعارنا أبو طلال بدع في منتهى الروعة واخي أبو بدر رد ولا اجمل منه .. والله اني اتمنى قارعة بينكم لانكم اهل الابداع ونود ان نستمتع بقصائدكم وابداعكم ....

ياسلام عوافي ياشعار وصحت السنتكم

صح لسانك ياالبرق اللامع رد وافي من شاعر وافي
والشكر صقرالجنوب والغريب على المشاركه الطيبه
وهذه القصيده على القارعه ياالبرق اللامع

البدع
ياذا تصيد السمك لمّه من الماء لميات
والقرش ولّه على الموج الذي مالح اوله
لكن عسى الغيم من وسط السماء مال همّال
وانحن ترى نحكم الطابور والجيش ونقود
لاتحسبنّا مع الانذال واللاش ملنا

وانحن ترى نحكم الطابور والجيش ونقود
لاتحسبنّا مع الانذال واللاش ملنا

كفو يابو طلال ويعطيك العافية وننتظر رد ابو بدر

*
اخي العزيز

اشكرك على هذه القصايد وشهادتي فيك مجروحه .. ويشرفني ان اتحاور معك ولو انها جت بدون مقدمات .. لانه فيه احد الاخوه الشعراء في المنتدى وعدته بان اتحاور معه ولكن جريتوني لهذه المحاوره .وارجو المعذره منه فسوف يكون لنا لقاء قريب ان شاء الله ..... وبهذه المناسبه اشكر اخي صقر الجنوب .. وطلباتكم اوامر .. حفظكم الله ورعاكم ولكم التقدير والاحترام من اخوكم البرق اللامع ...

*=
البدع: علي السبيه=
* =
ياذا تصيد السمك لمّه من الماء لميات =
والقرش ولّه على الموج الذي مالح اوله =
لكن عسى الغيم من وسط السماء مال همّال =
وانحن ترى نحكم الطابور والجيش ونقود =
لاتحسبنّا مع الانذال واللاش ملنا =
*=
الرد: البرق اللامع=
*=
ياصاحبي مارقبنا اللي له المال ميات=
ولاتنكرت للي مايجي المال حوله=
ومافرق عندي مع التاجر ومن مالهم مال=
ومادام تحكم مواقفنا عقارات ونقود=
اما كسبنا بسوق المال والا شملنا=

اتشرف بقصايدي معك ياالبرق اللامع انت شاعركبير
ومكسب لكل شاعر يقصد معك لكن ان كان ماتبغى
نستمر في المحاوره نقفلها

البدع
على ايش ياقلب تتلي الزفره وايهات وايهات
مادمت ماتشتكي من نقص ولا قلوله
خل القوافل تسيّر باالحموله ولاعدال
والصاحب اللي جفاك وخاطرك منه ملجود
اثار وده من العربان يلقا بدلنا

*=
البدع: علي السبيه=
*=
على ايش ياقلب تتلي الزفره وايهات وايهات =
مادمت ماتشتكي من نقص ولا قلوله =
خل القوافل تسيّر باالحموله ولاعدال =
والصاحب اللي جفاك وخاطرك منه ملجود =
اثار وده من العربان يلقا بدلنا =
*=
الرد: البرق اللامع=
*=
الصاحب اللي ليا ما جاك وايهات وايهات=
ودي بمن يبعده عن العين والا قلوله=
ماشفت في دنيته للحق بابا ولاعدال=
وان كان ربعي تخلوا مايجي منهم الجود=
باعود اسير في ارض الله والقى بد لنا=

ابــــداع

بـــجد ابــداع