قصايد

هذا القصيده بدعها من ابورزق والرد من الوالد
والولد رحمه الله اغلب قصايده كانت مع ابورزق


البدع\ابورزق
الجن من ساع ماتمضي معابر سوى جن
قد ريتها في جبل شمرخ نوازل وشدات
في مثل بعض المعاني يافتى ودي اشير
يالله تردي الذي خاين في ابوى رديه

الرد\سعيد السبيه
بورزق لاتنتقل في ايدك معابر سواجن
خذلك في الزحمه بلجيكن يجمل وشدات
واليوم رينا الميازر في ايد ناسن دياشير
والصيد ماجابه الا ناسن ابوارديه

وهذه القصيده بدعها من الوالد رحمها الله
والرد من جدي سعيد بن حقلان رحمه الله

البدع\سعيد السبيه
الله يسقي زمانن مضا
لا وزاره ولا مدرسه
كلنا نقلنا ع الجمال
من مشرف لين سرب العقيلي
مانبقي ولا ريّحه(1)

الرد\سعيد بن محمد بن حقلان
راعي المال يتجمضا
باالتهامي على المدرسه(2)
الله يقطع كثير الحلال
لادنا الليل سر باالعقيلي
راعي المال ماريّحه

(1) يقصد النبق اللي بنهل
تحت السدره يسمونه الريحه

(2)يقصد القصب والعلف اللي
يجمعونه ويحطونه في مكان برا
البيوت للحلال يسمونها المدرسه

واليوم رينا الميازر في ايد ناسن دياشير
والصيد ماجابه الا ناسن ابوارديه

بيتين عن قصيدة صدق الشاعر رحمة الله عليه وغفر الله له وننتظر المزيد يابو طلال من قصائد الوالد

شرفني مرورك ياابواحمد والولد الله يرحمه ماكان يقصد الا في
النادر واغلب قصايده كانت مع ابورزق وانشاءالله اسجل القصايد
اللي اعرفه عنه في هذا المنتدى ولك وللجميع خالص الشكروالتقدير