وصايف تهامية في ::: لعبة عيال

لعبة عيال

صاح بي جرح الحكاية بعد ما افنتني حكاية
صاح ياكم صاح بيَّه وانا في غمرة خيال

صاح فيني قال فوووقي صاحبك عنده نوايا
وانا ما من اذن تسمع صوت جرحي يوم قال



قال: انا بحكي حكاية خلي احساسك معايا
قلت يالله خلني اسمع واعطي اجروحي مجال

صاااح بي جرحي وقلي : اعتقد هذا كفاية!
قلت: ذا اسم الحكاية؟!قال لي: وهذا سؤال؟؟




قلت: ابدأ قال: سمي.. وقبل سرده للحكايه...
صاحبي جاني وضحك لي وقلتله عمري تعال

نستمع بعض الحكايا؟قال: انا خلي ورايه
ينتظرني. قلت : اصبر قال: ماعندي مجال



صاحبي كان النهايه اوف ياكانت نهايه
بعدني ماقمت منها .. لا أزول ولا تزال

صاحبي كان الحكاية بس ياظلم الحكايه
طالت وطالت يديها جوف قلبي لين سال



صاحبي قصة غريبه أرقتني من البدايه
جابت العيد فـخفوقي وهو صموده كالجبال

صاحبي ايدٍ حنونه توردك حوض المنايا
عشتها او مت منها..هي نهايه باي حال




قلت:آآآآآآخ لو قلت أول .. أول وهي في البدايه
ليتني ناديت نفسي: (فووقي يابنت الحلال)

مات واحد بألف واحد هو ذا لب الحكايه
طاحت الصخرة الصغيره وطيَّحت كل الجبال

صاحبي كان الحكايه آآه لا كانت حكايه
بعد مافنتني اتضح لي إنها (لعبة عياااااال)

كلمات/ وصايف تهاميه