خمســــه بالميه

خبر عاجل على الشاشه من الديوان مرسومه=رقم خمسه على خسمه وتاريخ خمسه هجريه
نهني الشعب وانبارك ونشفي اقلوب محرومه=زياده ثابته تعلن من الدوله السعوديه
وقام الشعب يتناقل خبر وايكبّر حلومه=ومنهم من بنى بيته وسوى احلام ورديه
وكلٍ يعقد اماله وكلٍ يحزم احزومه=وسارت ليلة الخمسه ما بين الشعب عيديه
ويوم ان الخبر بيّن وجتك الناس مصدومه=غدا شعب السعوديه مصاب ابصدمه نفسيه
يقولون الزياده جت ظروف القدره محتومه=زياده ما توكل عيش ولا تعطي على الجيه
زياده عيب نبديها وهي بالدس مسمومه=ولاهي قد نخوتنا وقد اعروقنا الحيه
ولاهقوت شعب مخلص تفانى اوشد بعزومه=وقف للمعتدي يصرخ حمل روحه على ايديه
نعرف ان الكرم يبقى مع ابن اسعود بسلومه=وماهي مدة الأجواد ولا هي منه معطيه
لكن الخوف من ناسٍ تحيل البحر واتعومه=واخاف ان البلد يسرق وبه شلة حراميه
ياليت ان الخبر كذبه وكل الناس معدومه=ولا شفنا مع العربان نسمى خمسه بالميه

صح لسانك ملايين يافارس الشعر قصيده رائعه
بروعة فارس الشعر المتألق الهمس واسمح لي
بهذه المجاراه وهي مجرد اعجاب بقصيدتك

كفو ياشاعرن وافي قصيده ناب عن قومه=قصيده زاد عن غيره ولاضني نجد زيه
قصايد فن مبنيه وموزونه ومحكومه=ترى القيفان مرصوصه على الميزان مبنيه
كما القوس الذي يرمي ولاتفتر به اسهومه=رماحه صابت الاهداف لاروغه ولا اخطيه
قصايد فوق هام السحب ماتنزل عن اغيومه=قصايد مثل نور البدر ضاح الليل من ضيه
قصايد في معانيها تضم البحر وتلومه=وترقا للسماء حتى تصافح شمسه الحيه
قصايد في كتاب المجد محفوضه ومرقومه=قصايد في كتاب الفخر مكتوبه ومقريه
قصايد تطرب القاري بريشة فن مرسومه=قصايد كنها القنديل شموعه دوم ولعيه
قصيد الهمس الى شفته بينسى قلبي اهمومه=قصيده له في الامداح والتمييز ماريه
كفو ياشاعرن وافي قصيده زادت اسهومه=قصيده مثل غصنن طال واوراقه لها فيه
وله كل القصايد تنحني غصبن ومرغومه=جنوبيه وشماليه وشرقيه ونجديه
كفو ياشاعرن وافي ولاحد ينقد اعلومه=وفالك مجلسن عامر ودلة كيف بريه

الهمس **علي السبية
الله يعطيكم العافية
قطبا الشعر
في حضوركما يحضر الإبداع

السبيه
ما عساني ان اقول
ففي حظرتك يتجلى الجمال ويكسونا الجمال
وبكلماتك تختفي الحسره على عدم التفاعل خصوصا ان القصيده رساله اجتماعيه يعني لا تعني الهمس وحده
وللعلم الهمس لا تشمله الخمسه بالمائه ولا غيرها لكن مشاركه من الهمس لوجدانيات من يشملهم الحظ العاثر بخمسه بالمائه
انما تواجدك وابداعك بقصيده جميله البسني تاجا من نوع اخر
تاج الفخر وشهاده من شاعر رائع يا شيخ روح الله يقويك ويخليك ذخر

الغالي قلب واحساس
مرور عزيز على قلبي
وشهاده افخر واعتز بها من شاعر جميل ورائع
يا أخي غمرني كرمك لا عدمتك
تقبل تحياتي وعميق شكري
اخوك /الهمس