ايه القوم الشاشه امامكم والكي بورد بين يديكم

السلام عليكم ورحمة الله وبركاته

سبحان الله وبحمده ... سبحان الله العظيم
سبحانك اللهم وبحمدك اشهد ان لااله الا انت استغفرك واتوب اليك
سبحان الله وبحمده .. سبحان الله العظيم
رضى نفسه و زنة عرشه
وسعة ملكه وعدد خلقه
ومداد كلماته ومنتهى رحمته
ومبلغ علمه واياته

اما بعد

ايه القوم الشاشه امامكم والكي بورد بين يديكم <<< هذا الجيل الي بيحرر القدس

الله المستعان

اهنائكم استقالة وزير التجارة بناءً على طلبه
بناءً على طلبه تذكرني بالاطفال اذا قاموا يسألون ابوانهم عن شيء وقاموا يصرفون اهلهم

وغير ذلك اهنئكم بتعيينات المسئولين على المراتب الممتازه
بصراحه من كثر التعيينات الاسبوعييه على المرتبه الـ 15 والممتازه كل اسبوع
احس ان السعووديين واقفين سرى ... وفي يوما من الايام راح يوصلك الدور وبتصير على المرتبه الخامسه عشر
بس اهم شيء الصبر
اصبر ... لو قالوا لك اصبر خمسين سنه قول لا
ولو قالوا لك اصبر 60 سنه اصبر
بصراحه غير مركزه ومركبه

نرجع للباشا الي استقال

ماادري متى نوصل لمرحلة نقول للمحسن احسنت ... وللمخطئ أخطأت ..!!

الله يذكره بالخير خالد الفيصل بالحج الماضي يوم اقال المسئول عن مخيمات الحجيج على ما اظن
قال : يجب ان لانخجل من قول المخطئ أخطأت
انا اشهد انك ولد الفيصل

اخينا اليماني ( وزير التجارة ) الي قال يجب ان يغيروا السعوديين عادة اكلهم
وماقصر فيه الكاتب السويد يوم قال له : معالي الوزير كل تبن <<< مزدي فيه

وصلني مسج اليوم مضحك ومبكي في نفس الوقت

يقول مسجنا :

:: تصريحات ::
وزير التجارة : ( الي استقال طبعا )
الرز ارتفع بسبب اكل الكبسة ، المفروض الشعب يغير عاداته يترك الكبسة وياكل دقيق البر
مدير صوامع الغلال :
الدقيق غير متوفر بالأسواق بسبب إقبال الناس عليه ، المفروض الشعب ما ياكل دقيق مفروض ياكل تبن
وزير الزراعة :
الألبان ارتفعت بسبب ارتفاع الاعلاف لأن الناس صارت تاكل تبن المفروض الشعب ياكل تراب
وزير البلديات:
العقارات ارتفعت بسبب إقبال الناس على شراء الأراضي عشان بياكلوا ترابها! مفروض الشعب ما ياكل تراب ، مفروض ياكل ( ....! )
رئيس مصلحة الصرف الصحي :
أخيرا استطعنا أن نسيطر على مشاكل الصرف بسبب إقبال الناس على ...

ياخوفي يا يماني انك ( جماز ) أخر !!!

لنفترض انه استقال من نفسه
بصراحه . شيء جميل وشجاع والا ليت كل الوزراء يحذون حذوه ( <<< عشان مايبقى ولا وزير )

في بلدي

تموت الأبل .. وتمرض الدجاج .. وتصدع الغنم ... وتسمم النخالة ... ويجن البقر ..... الخ

و وزير الزراعة والمياه ولا كأن له دخل في الموضوع !!!
والادهى والامر المياه اجل الماء يحلى من الشرقية والى الان ماغطوا الشرقية بالمياه المحلاة !!؟

في بلدي

مواطن يرمى خارج المستشفى لعدم وجود سرير شاغر !!

وزير الصحة يعد المواطنيين بالتامين طبي من 8 سنين !!
لعنبوا بليسك لو في وجهك قطرة دم اول من يستقيل انت
ياخي كل يوم ماسكين طبيب مزور شهادات
وينكم ... وين غافله ونايمة وزراتك يعني ماعندكم شيء اسمه اختبار كل استقدام اي طبيب !!
ولا جديده عليكم اختبارات القدرات الي مبهذلين فيها طلاب الثانوي عشان تزرفون مية ريال من كل طالب !!؟
اختبروا هالدبش الي تستقدمونهم !!
هذي الفتره الوزرايه الثانيه له ( 8 سنوات وهو بيسوي ويفعل وماشفنا شيء )

بس بعذرهم مشغولين بفصل التوائم

في بلدي

الشوارع تحفر بالسنه عشرات المرات وراح تحفر الى ان الله يأخذهم ويجي غيرهم يحفرون

الشوراع والبلديات هذي نمسك على جنب امناء المدن <<< خلك ذرب في النقد
ياطويلين الاعمار
الرياض وصلت لتمير ( تمير ولاية مستقله بجانب الرياض ) << لاتطمرون علي ياهل سدير ترى وربي احوبكم
ونصها اراضي بور وفااضيه
وغير كذا والادهى والامر الشارع يحفرونهم بالسنه ثلاث مرات !!!
ما ادري وش يدورون بصراحه
قلنا اول مره تصريف ... بس المره الثانيه قلنا كهرب بس اصلا الحاره مشعلله ومكهربه خلقه
قلنا يمكن بيوصلون الغاز من الارض بس اخيرا اكتشفت وش السبب في الحفريات

الله يجزاهم خير شغالين يحفرون بشوارع الرياض يدورون المواليد الي انخطفوا من المستشفيات ( الله يردهم لاهلهم سالمين ويصبر اهلهم على مصابهم )

اانا ما ادري ليش ماتفرض الزكاة على ملاك العقار مثل ماتفرض الزكاة على ملاك المواشي !!

او السبب لآختلاف الملاك !!
والله لو تفرض الزكاة على ملاك الاراضي والمخططات الممنوحة ... غصبا عنهم تنزل اسعار الاراضي وقبل هذا كله يحيا ركن من اركان الاسلام غضبا على الي رافض

لكن حيل الله اقوى

ّ~ ~ فاصل اعلاني ~ ~

تريوونااا

لاسنافي ولا فياقرا بعد اليوم
مع وجبة فياقرا تأدي اللزوم

يينااااا

في بلدي

اكل الاوادم والغنم صار واحد ( ترى اقصد الدقيق بدري عليكم تاكلون تبن التبن والشعير الحين بس للطبقة المخملية ومزاييين الابل )
والمسئول يصرح بمعرفته للمتسبب الا وهو متعهد بيع البر لكن الوضع هو .. هو ... حتى تاريخه

في بلدي

تمنع المراءه من البيع ومزاولة التجارة في المحلات بينما تبيع مقابل المحلات مفترشه الارض ( بسطة ) !!!
ويمنع بيع ملابس النسائية من قبل النساء انفسهن ويسمح بالاجنبي بالبيع لهن !!!؟

عجب عجاب

في بلدي

مراءه تمنع من قيادة السيارة بينما تقود طائره !!!؟

في بلدي

تمنع المراءه من حضور مباريات كرة القدم بينما تحضر سباق الفروسية والهجن !!!

في بلدي

وزير المعارف اولاده يدرسون بمدارس اهلية !!!

\
/
\
/
\

الله يعينك يابلدي

حــرره

واحد ما اعرفه

سبحانك اللهم وبحمدك اشهد ان لااله الا انت استغفرك واتوب اليك

الى اللقاء في الحلقة القادمة <<< اذا بتستمر والله ليصير مسلسل مكسيكي

سبحان الله وبحمده ,,, سبحان الله العظيم

لقد ناديت لو ناديت حيا......ولكن لاحياة لمن تنادي

وخليني ازيدك من الشعر بيت انا سكنت في حارتي المعموره قبل خمس سنوات
ويوم ماسكنت شفتهم يحفرون في الشوارع سئلت واحد منهم قلت وش الحكايه
قال بيسوون صرف صحي (تخيل حي من احياء مدينة الرياض مافيه صرف صحي)
قلت على الله ومتى يخلص قال يبغا له عدة اشهر ويخلص ولان تعدينا الخمس سنوات
ويبقا الحال كما هو عليه وعلى المتضرر اللجوء للقضاء والقضاء ابوبه مقفوله
في وجه المواطن الضاهر هم يختارون القضايا بنفوسهم وماخفي كان اعضم

يآزين الكرشه لا تعبت في بطونهم

;)

يسلملي هالايادي يا علي السبيه

على ردك الجميـل

تحياتي لك بحرارره ,,,

عافك الخاطر>>> سلمت يديك على هذا الكلام الرائع .. موبدع .. موبدع...

والله انك مبدع ورائع
بيض الله وجهك

بـــجـــــد كــنت رائـــــــع حللتها من جميع الجوانب وكانت طريقة جداُ مشوقه للقراءه


تـــحــــــــياتــــــــــي

عافك الخاطر يعطيك العافية ...
على راي الكلام عن الصرف الصحي ابشرك عندنا في جدة قبل فترة سووا مناقصة وقده معروف الحرامي اللي بياخذها مقدما اخذها الحرامي واتفق مع حقون الامانه النص بالنص على شان يعمل صرف صحي الرجال امسك لي واقطع لك المهم بدات الشركة تعمل حفر وليس تمديدات انتبه وتغطيها بالصحون حقتهم ذي الغطيان يعني حفرة وغطا بدون اي تمديدات ياعيني على الصرف ..
وجات لجنة الحرامية من الامانه واستلمت المشروع وصرفوا حق المقاول والحرامي اللي معاه
وكل ناقصة وانت بخير

الله يعين كل مثؤلين على هذول المواطنين
ياخي هم مبهذلين انفثهم عثان راحتكم
وانت طايحين فيهم انتقادات

هههههههههههههه
امذح
تعرف المشكله مو في هذول
المشكله بلادي راجعه الى الوراء والسبب
هالشاكله ولالالالالالالالالالالالاعندك احد
والناس في جوع ومرض وقهر

خخخخخخخخخخخخخخخ
اليوم ادور الخبز ما لقيته والدقيق مافيه
الله شكلنا بنرجع (( لصنقغ بنقع))
والظاهر ما عاد بنلقاها


طيب ياخي مانبي استقاله بطلبه
نبي نسمع تأديب للعينه هذي
تشهير نبي جلد ولا منزهين
اين الشريعه اين والله لو ان
فاطمة بنت محمد سرقة لقطعت يدها

وانا عن نفثي قصدي نفسي ماعاد ارجي
من احد شي كذب وخيانه
ووكلت امري لله سبحانه
ياكثر هرج العرب وياقل افعالهم


ياخوان نحن في اخرالزمان وهاهي المصائب
تتوالا على امتنا الواحده تلوا الأخرى

ولا أظن هؤلاء الا من تحدث عنهم رسول الله صلى الله عليه وسلم
عن أنس بن مالك رضي الله عنه قال: قال رسول الله صلى الله عليه وسلم الله أكبر هذا الحديث "إن أمام الدجال سنين خداعة يكذب فيها الصادق ويصدق فيها الكاذب، ويخون فيها الأمين ويؤتمن الخائن، ويتكلم الرويبضة، قيل: وما الرويبضة؟ قال: الفويسق يتكلم في أمر العامة" الحديث حسنه بعض العلماء.




سبحانك اللهم اشهد الا انت استغفرك واتوب اليك

ابو عامر الخزمري

يكفي انك نورت موضوعي فلا اعتقد إن لدي تعبير كافي ان ابو عامر في موضوعي الشيق كما قآل


""مبدع مبدع""


تحياتي لك وعلى مرورك

الزهراني الأزدي

بيضت وجهـي وراح افرش لك المكان ورد وجوري وعبير على مرورك لموضوعي اخوي الابدع مني والافضل مني كذالك



تحيآتي لك