علي السبيه تعاال

أسمع يا علي

البدع :

الوقت يسرقنا والأعمار مصرمات
والعمر عقرب ساعته شار عالهرم
والعلم لو جا دون شيماتنا ماني له
خلك من الدنيـــــــا الدنيه ولعبها

صح لسانك ياشاعر بدع اكثر من رائع وننتظر الرد

جيتك يازهران وصح لسانك على هذا البدع الرائع
وابشر باالرد والمعذره ان حصل فيه قصور

راعي التمشاي اليوم قلبه لمصر مات=
خصوص الى من مر من شارع الهرم=
ماباح نهر النيل يامن تناما نيله=
اللي شرب نيل الكنانه ولع بها=

الله الله يابو طلال

البدع :

الصقر له فوق المنيفات حيومات
رزقه يجي من خالق الكون ذا قسم
ماينبغي للقلب بعد الوفا ترحيله
عرفت كثان الحجاره وصلبها

الرد

قلوبنا عادت من الشر حيومات=
من يقرب انيوب الثعابين ذاق سم=
لو ترسل اللي قل جهده وفاتر حيله=
تفنى مشاويره وهو ماوصل بها=

الاخ زهران والاخ على السبيه
اعتقد ان الكلمه تفرض نفسها وتصل الى الكل
بدون موعد وبدون مقدمات
هي كذلك هذه القصايد الجميله والغايه في الروعه
بدع ورد .... الجمال ليس له حدود والابداع ليس له وقت
وانتم اصحاب الابداع وابداع الكلمه
تقديرررى

أبو طلال الله يسعدك انت أستاذ فلا تحرمني الاستفاده


معي في المزرع غروس ولي نمات
والطلع فيها ما توقف ولا عدم
موت الشجر ما ودي أبصره والا آخيله
تموت والماي المحلاه جنبها

الله يسلمك ويغليك يازهران وانا اللي اتعلم منك ومن غيرك
من الشعار الكرام انا هاوي للقصايد ومعرفتي على قد الحال

الرد

انحن رمينا قايد الترك لين مات=
ببندقً من جند الاتراك لاع دم=
بدنا جيوش الباشه ثم اغتنمنا خيله=
مافادت الباشه عساكر هجم بها=