النيازك والشهب في مدح زهران

النيازك والشهب

يالي بطرفتك ضحكة العــــرب = وقمت تلعب باسمنا بين الحضـــور
اسم زهران أطلقه والعــب لعـب = ما الومك في ملاعبة الصقـــــور
بس لو تسمح انا عندي طلـــب = استمع ودي أوضح لك أمــــــور
ما دريت اني لزهران انتســـب = وإن دمي في شراييني يفــــــور
غيرةً لله يالــه من عجــــب = كيف يسكت واحداً مثلي غيـــــور
كيف آبتهادى وانا كلي غضــب = كيف آبتماسك وأنا دمي يثـــــور
ولأسم زهران النوايف تنتصــب = لسمنـا تتلاطم امواج البحــــور
عزنا من فوق هامات السحــب = بانيً في قمة امجاده قصــــــور
كوكب الزهره لزهـران انتسـب = فالمجره اسمنا الشامخ يـــــدور
اصلنا ما تجهله كل العــــرب = وفعلنا معروف في كل العصــــور
حربنا شاف العدو منها العجــب = كم ميادينً جعلناها قبــــــــور
وكم عدواً يوم واجهنــا هـرب = من جحافل جيشنا راحو نفــــور
وباشة الأتراك ولا وانغلــــب = حين شاف الموت في وجه النمــور
ولا مداه يقول للجيش انسحــب = لين حامت فوق جثته الطيـــــور
إن فزعنا ثارت الدنيا غضــب = وإن ركدنا انبتت ورد وزهــــور
وكم حكم منا ملوك فالعــــرب = وسطرو التاريخ في كل العصـــور
وكم حكيم وعالماً ألف كتـــب = بو هريره كيف توفيــــه السطور
والفراهيدي حـوى علـم والأدب = والطفيل إلي عطاه الله نــــــور
كم وكم اسمن مرصع بالذهــب = ما يكفيني لو أذكرها شهــــــور
نفتخر بأعلى المناصب والرتـب = نفتخر وبيوتنا مثل القصــــــور
البيوت احجــار والزافـر خشب = ومن عراقتنا بقت مثل الصخــــور
في مجالسها مدارس لـــلأدب = والعلوم يقولها شيخــاً وقــــور
مع تراحيباً غدت مثل الطــرب = تحت عج العود الأزرق والبخـــور
من لحظ دخانها قال السحـــب = ربما تمطر على الدنيـا عطــــور
والدلال الصفـر في جال المشب = والفناجيل بقهاويها تـــــــدور
في بيوتاً ضيفها شـاف العجـب = وقام يترحم على ذيك القـــــدور
من سواد نحاسها كيف انقلــب = ومن سمان كباشها شحما يفــــور
الكرم من صحننا أكل وشــرب = عايشاً معنا ومنزاله صــــــدور
لابتً مثل النيازك والشهـــب = لا بتي من زادوا الانوار نــــــور
الوكاد!.. النار ما تخشى الحطب = والزوارق ما تثقل عالبحــــــور
دامني رجلً لزهران انتســـب = دوم يأخذني من العزه غــــــرور

ياسلام عليك يابو سالم
صح لسانك ابيات فخر واعتزاز بيض الله وجهك

كوكب الزهره لزهران انتسب
فالمجره اسمنا الشامـخ يـدور

بيض الله وجهاك يالنشمي
اقف احتراماً لزهران ولك ولهذه الرائعه
تقبل تحياتي
اخوك ابو صالح

صح لسانك ملايين ياشاعر زهران
ابدعت المدح فيمن يستحق المدح
اهل تاريخ وبطولات وصولات وجولات
قصيدة تدل على اعتزاز وثقافة عالية

المشاركة الأصلية كتبت بواسطة محسن الزهراني

ياسلام عليك يابو سالم
صح لسانك ابيات فخر واعتزاز بيض الله وجهك

كوكب الزهره لزهران انتسب
فالمجره اسمنا الشامـخ يـدور

وجهك ابيض

وشكراً لك على الحظور والمشاركه

اجمل تحياتي ومودتي

صح لسانك وعلى شانك ياسعيد بن سالم

ابو صالح

صقر الجنوب

السبيه


بيض الله وجيهكم

اسعدني حظوركم واشادتكم بالنص تاج على راسي

لا خلاء ولا عدم

فائق احترامي وتقديري لكم جميعاً