احاسيــــــــــــــس

احاسيــــــــــس

يا عود.. دندن .. دون دقُ ومراويــــــس= احساس صوتك نبض قلبي مراويســـه
دُم دم وتك تك بين لحــن وهواجيــس = القلب قلبـــــي والهواجس هواجيســـه
اطربتني وانا همومي متاريــــــــــــس= وهيضت قلبي لين بينت احاسيســـــــه
ارسلت من فكري لقلبي جواسيـــــس = وبانت جروحُ وهــــد سجني محابيسـه
وعن ظهر بنت الفكر مخبورة السيــس = داهمت ليلً توهتني غطاليســــــــــــه
اشيل همً لو نقلته علــــى ( نيــــــس)= لا ربما هزه وزلزل تضاريســــــــــــه
أواه من عمر الشقاء والتناحيــــــــس= في عيد ميلاد الثلاثين تنحيســــــــــــــه
تايه وإعد الوقت عد المفاليـــــــــــس= يا حسرة المفلس! على المال في كيسه!
ياحلمي الي كان واصبح كوابيـــــــس= ويا همي الي ما تعوذ من ابليســــــــــه
كان الامل صارت غصونه ميابــــــيس= ولاعاد به للحظ جيـــــه وترميســــــــه
عزاي من عمري تجارب وتـــــدريس= ومن لا فطن للوقت ما فاد تدريســــــــه
العام وانا بين صحب وموانيـــــــــس = واليوم ينشد مجلسي عن مجاليســـــــه
يا عود ما دام الليالي مغاميــــــــــس = دندن يا دوب الهم قامت عساعيســــــه
يا قو بأس الشوق الا صار احاسيس= من وين ما وجهت هبت نسانيســـــــــــه
ذكرت حب ام العيون المناعيــــــــس = الي بعيني تحكم سهيل وتريســــــــــه
اوفيتها بالحب لين المحاميـــــــــــــس= اصلت عناي وصار للعشق تحسيســـه
فليا طروا بالعشق ما عاصره قيــــس = اضحك واقول اظن عقله على قيســـه
حبيت حبً لو كتب في كراريــــــــس= يكاد ينجن الورق من وساويســـــــــــــه
حبً عليه الله ما جاه تدنيـــــــــــــــس = مثل النقاء ما به شوايب وتدنيســـــــه
اسست من عشقي بالاحلام تأســــيس = ما كنت اظن يحوف الاعلام تنكيسـه
وخذها النصيب وساقها حادي العيـس= في ليلة للفرح ضوت فوانيســـــــــــــه
راحت ورحت ولا انهدم عرش بالقيس= باقي على حله ويا قوا تأسيســــــــــــه
يبقى غلاها سر مدفون في كــــــيس = وتبقى لي الذكرى عن الهـــم تنفيسـه
يا عود دندن دون دق ومراويــــــــس= احساس صوتك نبض قلبي مراويســــه

صح لسانك

شـكــ وبارك الله فيك ـــرا لك ... لك مني أجمل تحية .

الله الله الله الله الله
صح لسانك ياسعيد بن سالم على هذه القصيده الرائعه
كل بيت منها يعدل بقصيده وتستحق ان تكتب بماءالذهب

اف اف يابو سالم وش ذا الكلام السنع
صح لسانك ياشيخ ملايين وشكلي مادام انت والهمس وابو طلال
تهتمون بالنظم باخاويكم فانا اهتم بالمحاوره اكثر سوى عرضه او قلطه
لوجود الطرف الاخر فانا احب مشاركة الاجواد شرواكم
حتى يوم اروح مطعم والا اسافر احاول يكون معي خوي اما النظم
فيبغا له هدو وانا احب الصخب والمرادد يطربني اكثر

عموماً بيض الله وجهك على هذي المعلقه يالنشمي

المشاركة الأصلية كتبت بواسطة العالم المثالي

صح لسانك

شـكــ وبارك الله فيك ـــرا لك ... لك مني أجمل تحية .

العالم المثالي

مرورك اسعدني واضاء متصفح قصيدتي

فائق مودتي لشخصك الكريم

المشاركة الأصلية كتبت بواسطة علي السبيَه

الله الله الله الله الله
صح لسانك ياسعيد بن سالم على هذه القصيده الرائعه
كل بيت منها يعدل بقصيده وتستحق ان تكتب بماءالذهب

تسلم تسلم يابو طلال

ومرورك اجمل من القصيده والاشاده من شاعر بهامتك يعني لي الشيء الكثير

لا هنت يا علي وبيض الله وجهك

المشاركة الأصلية كتبت بواسطة ابو صالح

اف اف يابو سالم وش ذا الكلام السنع
صح لسانك ياشيخ ملايين وشكلي مادام انت والهمس وابو طلال
تهتمون بالنظم باخاويكم فانا اهتم بالمحاوره اكثر سوى عرضه او قلطه
لوجود الطرف الاخر فانا احب مشاركة الاجواد شرواكم
حتى يوم اروح مطعم والا اسافر احاول يكون معي خوي اما النظم
فيبغا له هدو وانا احب الصخب والمرادد يطربني اكثر

عموماً بيض الله وجهك على هذي المعلقه يالنشمي

ارحب يابو صالح

حظورك يسعدني ويبهج نفسي

وللامانه فانت شاعر محاوره من الدرجه الاولى وشعرك في القلطه والعرضه يستحق المتابعه
واتمنى ان اقرا لك قصيده نبطيه وعندها اكاد اجزم انك لن تكتب الى بقلم الابداع فأنت متميز يابو صالح في كل حالاتك

شكراً لمرورك الجميل واشادتك بالنص

فائق احترامي وتقديري