رد على قصيدة (بركان المشاعر)

قرأت للاخ الهمس هذه الابيات والتي يقول فيها

ثار بركان المشاعر واعلنت روحي عناهـا
وابتدت قصة هوانا لك اديـن ولـي تدينـي
يوم قفيتي ورحتـي امتلـت عينـي بماهـا
وجهتي ضاعت ولادي عن شمالي من يميني
ضاقت الدنيا بعيني والقدم ضاعت خطاهـا
وانتحر صبري بصبري داخل القلب الحزيني
وين روحٍ سلمت لي واعلنت عني رضاهـا
وين الأيام الخوالي وينها مـا عـد تبينـي
وين الأيمان الغليظه قلبي يذكر مـا نساهـا
تذكرين الوعد والا ناسيـه حلـف اليمينـي
انصدمت ابكل كلمه في اذاني لـك صداهـا
طاح تمثال التفانـي والغـدر بـه تقتلينـي
اه من حسره بقلبي خوفي لو توصل مداهـا
تحرق اعماقي ويبقى حبك الطاهـر دفينـي
قامت الايام تجري والقدر يجـري وراهـا
اعتقد لو كان بيدك راحتـي مـا ترحمينـي
والحزن كنه لروحي تـارك الدنيـا وجاهـا
وش بقى للهمس عنـدك بالامانـه علمينـي
كان باقي لـه بقايـا طلعيهـا مـن خباهـا
وان حكمتي حكم قاسي فاصدريه او بلغينـي
رغم طعناتك بروحي يبقى حبـك انتماهـا
تبقى روحي لك وفيـه ماتخونـك صدقينـي


وقد حضرني ردي المتواضع على ابياته قائله:


من طراني بالخيانه قول بس منهو طراها
قد عهدتك وافيٍ للي جرا بينك وبيني

وقد عرفت اللي تحبك ماتخون اللي حفاها
بالمحبه والمودة لا ورب العالميني

هدي بركانك ياغالي وفك روحك من عناها
وامنح احساسك ثواني يذكر الشوق وحنيني

ماابيك تحس لحظة ان روحي ياغلاها
تتركك عايش لحالك حتى لو مرت سنيني

اعرف اني لك اسيرة ياهنا الروح وشقاها
واعرف اني مانسيتك يابعد عمري وعيني

اتبع احساسك وتعرف اللي قلبك مانساها
ماتخونك مهما صار ومايهون الود فيني



لموووسة