كابوس المدرسه بين احلام وواقع الطالب

بسم الله الرحمن الرحيم..

السلام عليكم ورحمة الله وبركاته..اشحالكم؟؟

العودة الى المدارس..

من يسمعوون عيالنا هالجملة تأففوا وقالوا بس بس لاتذكروونا بالمدرسة..

ليش؟؟!

شوفوا انا بحاول احلل واتمنى انكم تساعدوني..

اول شي بالنسبة للي يسيروون المدرسة..انتوا ليش تكرهوون المدرسة؟؟

وليش يكون اهتمام الاهالي بعيالهم قبل ماتبدأ الدراسة يعني

مايقصروون وياهم مايخلوون شي مايشتروونه ..وعقب خلااص..
من اييب الطالب الكتب لازم يبلعها بلع..

ليش اسلوب تدريسنا مب مطور لحد الان..الحمدلله الدولة موفرة كل شي

لنا...وبلادنا اتطور كل شي..وكل شي عدنا ينمو بسرعة كبيرة جدا

ماشالله..الا التعليم...وبصراحة..

صفوفنا..ليش تيبلنا الاكتئاب..شكل المدرسة..معاملة المدرسين..وطريقة

التدريس المملة..وساعات الدوام..

ليش الاهتمام يكون فقط في دراسة الطالب وليس في هواياته..؟

ليش مانعامل الطالب كالامير وليس كالخادم علشان يحب المدرسة..

ليش مانوضح للطالب اهمية الدراسة قبل مانقوله ادرس..

ليش صارت امتحاناتنا مجرد تفريغ معلومات في ورقة..بدال ماتكون

المعلومات اللي درسها لنفسه..؟

مبنى المدرسة..شكليا ممل جدا..وساعات الاستراحة قليله

الدراسة كابووس..الكتب..المواد..

ليش ماتكون موادنا اختيارية..حتى يختار الطالب مايحب..بدال مايدرس كل

المواد..وفي النهاية يتخصص في تخصص مابيحتاج فيه معلومات المادة

اللي خذاها؟؟يعني لو بذل جهده على كمن مادة اختارها مع المواد

الاساسية احسن مما انه يوزع جهده على كل المواد..

ليش مانحط في المدارسه كوفي شوب....

بس اتمنى ان الكل يوقف وقفة ويقولوا...ليش نحن كنا نكره الدراسة؟؟

وشوفوا المواد اللي درستوها كلها..استفتدوا منها كلها؟؟!استخدمتوها

في حياتكم..

ليش نحن مانطور من اسلوب التعليم..وبدال الكتب..نعطي الطالب لاب

توب..لول..وانترنت ببلاش؟؟بس..شوفوا لو تنفذ الدولة هالخطة بيكون

شي عجيب..
لكل طالب لاب توب..وايميل مدرسي خاص..ومواقع خاصة

في المدرسة..يقدر يدخل فيها الطالب بس عبر انترنت في بيت كل طالب..

ويكون فيه ايميلات للطلاب والمدرسين وشات للطلاب

لوول..وفي المدرسة..يدرس في اليوم اربع مواد..بدال سبع مواد..وتطولون

الفسحه..وتكثرون الرحلات..واهم شي..اهدموا مدارس الدولة وابنوا

مباني محترمة مثل الجامعات..وحطوا سينما بعد بس مب حق اخر

الافلام الاجنبيه..لا..مثلا افلام دينية او تاريخية او تعليمية يشوفها الطالب..فاي

وقت فالاحتياط او فالفسحة او حتى في الدرس..هااا مب احسن من الهياتة..

اقوولكم خلووني استوي وزير التربية شوفوا شو بسوي..

بس اتمنى انه كل واحد يدخل مايبخل بتعليقه..ونيلس نتناقش فالموضوع

تراه ماباقي شي ع المدارس ولين هاك الوقت بنحاول نحبب الطلاب

والطالبات بمدرستهم

جزاك الله خيرا

وبارك لك

معلومة راائعة جدا