قدر الله علي ورحت لصنعاء

طبعاً بحكم عملي كدبلوماسي سعودي قدر الله علي وجتني مهمه لمدينة صنعاء طبعاً بحكم انني اول مره اروح لهاالمدينه اخذت شنطت ملابسي الدبلوماسيه البوزات والبدل والكرفتات وغيره وانطلقت لصنعاء وفي راسي الف سؤال وسؤال هل البس الثوب والا البدله وفي الاخير لبست الثوب وضبطت شخصية الغتره المهم وصلت مطار صنعاء واستقبلني موفد السفارة السعودية بصنعاء واخذ جوازي وانها اجرائتي فى خمس دقايق وجاء السواق واخذ الشنطه من يدي والعساكر يدقون لي تحيه وانا كل راس مالي اوزع ابتسامات المهم استقلوني في السيارة السياسيه متوجهين بي لمقر السفاره الغريب ان السياره كانت مضلله بالكامل الا انه كل ماوقفت عند اشاره يجون أطفال صغار ويطقون على الزجاج الخلفي اللى انا قاعد عنده سئلت موفد السفارة والسواق قلت لهم اللحين هاذولا ويش يبون قالولي لاتهتم يشحذون قلت طيب كيف شافوني والسيارة مضلله قالو يعرفون ان هالسياره ماتتحرك فى شوارع صنعاء الا وفيها دبلوماسي سعودي قلت للسواق خذ هالفلوس ( تفاريق وعطهم ) السواق ماأخذ هالتفاريق ودعس وقطع الاشارة قلقتله ليش كذا قالي باللهجة اليمنية ياعمنا لو بزيت لهم قروش مطعلناش من هالاشارة الا بكره واستسمحك ماحوقف عند اشاره
قلت ايوه قطع الاشارات عشان يخالفونا اللحين قالي ياعمنا مايحاسبون السياره هاذي سياره سياسيه محدشمنهم يعترضها قلتله كيف
التفت علي موفد السفارة السعودي سعودي طبعاً الله يذكره بالخير قالي لاتخاف السيارة هاذي ممنوع احد يعترضها بحكم انها سيارة سياسية وهم عارفين انه فيه دبلوماسي ؟؟؟؟؟؟؟؟؟؟؟؟

تصدقون سرحت شوي وتذكرت شوارعنا والسيارات الدبلوماسية اللى تجوب شوارعنا اللي تحمل اللوحات الدبلوماسيه يوم اشوفها فى شوارعنا وكم يتعرضون لمضايقات من بعض شبابنا هداهم الله يضايقونهم بشكل فضيع والغريب ان هالدبلوماسين مايعارضونهم ولايتضايقون ومن صلاحياتهم الاتصال باقرب دورية أمن والابلاغ عن مضايقاتهم ولكن السبب اللى الكثير مايعرفونه انهم يعرفون اطباعنا ويحترمونها وياليت شبابنا يرد الفعل بمثله ونحترمهم مثل ماهم يحترمونا

المهم

خلصت من السفارة ورحت الفندق وصرفت السواق قلت بكتشف البلد بتمشا بحريتي بدون حراسه وهيلمه وغيره قلت للسواق انا بنام اللحين رح انت وتعال بكره الساعه ؟؟؟؟


طبعاً اخوكم الغلبان لبس الترينق ونزلت اتمشي على رجليه وشفت شي عمري ماشفته فى حياتي بشر سارحين فى الشوارع منت عارف هم رايحين والا هم جايين القات فى كل مكان كلهم ان لم ابالغ خدودهم منتفخه من القات حتى الصغار مقيتين وتايهين شوارعهم زحمه وسواقتهم على البركه البواري تسمعها في كل أرجاء المدينه حركه السير عندهم غريبه عجيبه مافيه تنظيم نهائياً
الاطفال عندهم يشتغلون والله صور محزنه شفتها بعيني طفل عمره 6سنوات يشيل جوالين مويه والثاني شايل على ظهره اسطوانة غاز والثالث يمسح جزم والرابع يبيع خردوات والله شي يبكي ماقدرت اتحمل هالمناظر رجعت للفندق واليوم الثاني انهيت المهمة ورجعت للسعودية وأول ماوصلت أخذت أطفالي فى حظني وبقوه ولسان حالي يقول الحمدلله الحمدلله حمدن كثيراً على نعمة الايمان والراحة النفسية الحمدلله حمداً كثيراً ان اطفالي ينعمون باألامن وألامان وينامون ويتغطون من البرد وياكلون ويلعبون الحمدلله عدد خلقه وزنة عرشه على النعمه اللتي نحن فيه بفضل من الله سبحانه وتعالي ومن ثم فضل حكومتنا الرشيده

نحن فى نعمه لانشعر بها ومن اراد ان يعرف النعمه اللي هو فيها لاينظر لمن هو عايش اعلا منه ينظر لمن هم عايشين اقل منه بيعرف لحظتها انه يعيش عيشه هنيه ويشكر الله عليها




قريباً رحلتي لمدينة عدن

يارب لك الحمد على الائك ونعمك

اشكرك اخي

فعلاً

نحن بإمن وامان

ونعمـه يحسـدنا عدونا عليها

وشرف كبير لي مرورك وتعليقك على الموضوع امير القلوب اخجلتم تواضعنا لاحرمني الله تواجدك العذب والله يديم علينا نعمة الامن والامان

حمد الله على نعمه الامن اذا على لقافه الشباب ومضيقاتهم احسهاماركه بالسعوديه اذا ماضايقو مو سعودين هههههههه
والقااااااات بصمه عند اليمنين ودايم فى فمهم اربع وعشرين ساعه ماادري متى يتركون هالعاده السيئه والاطفال يشتغلون بحكم الفقر والحاجه يمكنلو الحاجه مانزلو واشتغلو
واخير حمد الله على سلامتك والمره الجايه اذا فيه رحله خذنامعك اناوكم واحدبالمنتدى نشم هواءونغير جوو هههههههه


يعطيك الف عاااااافيه على موضوعك
باانتظار جديدك الرائع
تقبل مروري ..

ههههههههههههه رائعه دايم في ردودك الله لايجيبك معي على رحالاتي الدبلوماسيه والله ياني اشوف أشياء تفقع القلب بس ومالوه لى الشرف أخذك معي جهزي شنطتك وروحي معي ههههههههههههههه

روعه أنتي روعه حتى في ردودك على المواضيع