***** بروووونزيه ****

سيداتي سادتي
انيخوا القوافل و صبوا على هذا الجفاف سيول قرائحكم
و إن لم يستحق فــ ازرعوه زهرا من ذوائقكم
إن لم ترقى هذه البرونزية الى حناجركم فـ لا تعتقوها من خناجركم

عاتب و سمعني الحانك الغضه=لا تخلي ل ابرة اللوم و خزيه
أدري أن العين بالناس مكتظه=و ادري أن أكثر عيونك حجازيه
ما رجيتك تقصر الشوف و اتغضه=العيون بحور توحش و مرزيه
المهم القلب منهو يجي حظه=يستعير الشمس للصبح بجزيه
يوم ذابت تمرة العذق "في" عضه=و الجبال اتثور "منها" حزازيه
شع بارق مبسمك نار منقضه=و البرد يضحك ل وصلي بتهزيه
رمل يأسي من سحاب الأمل وضه=لين احس العمر ما فيه أحد زيه
روح ما تحيا بدنياك منفضه=شايله بين الحنايا تعازيه
ما نشدت المسك بيديك من خضه=و الورود اللي سقتك انتهازيه
لك ملامح كنها اجيوش منقضه=شيدت حولي بروج ارجوازيه
و لي مشاعر ود و الفاظها فضه=يم غيرك شنت احروب نازيه
أول المدات في خافقي شظه=و الهدايا و المشاريه رمزيه
الذهب ما ابغى بريقه و لا الفضه=دام في صدري قلادة برونزيه