رسالة الى كل زوجه ونسخه مع الاحترام للزوج

بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

رسالة تناقلتها زوجات سعوديات أزعجتني

لقد اثار إهتمامي رسالة تتناقلتها زوجات سعوديات عن اللي تبي الدلع والكلام الحلو وين تلاقيه.

فحوى الرساله؛

إن اللي تبي الدلع تاخذ لبناني

واللي تبي الكلام الحلو تاخذ سوري

واللي تبي..... واللي تبي.....

واللي تبي الأجر تاخذ سعودي. عاد الأخيره هي الي أزعجتني.

وحبيت أقول لهم

العاقل يفهم من غمزه

والجاهل يفهم من رفسة

معلومة أفتتح فيها رسالتي:

أنا من بيئة زراعية تؤمن أن الأرض الطيبة تعطيها تعطيك،
وكثر ما تهتم فيها يكون الثمر أطيب.

إلى كل إمرأه سعودية تعتقد أنها مأجورة لأنها مآخذه زوج سعودي.....

إلى كل إمرأه سعودية تعتقد أنها فاقدة الدلع مع زوج سعودي.....

إلى كل إمرأه سعودية تعتقد أنها فاقدة الرومانسية مع زوج سعودي.....

إلى كل إمرأه سعودية تعتقد أنها فاقدة الكلام الحلو مع زوج سعودي.....
إلى كل إمرأه سعودية تعتقد أنها مظلومة عاطفيا لأنها مع زوج سعودي.....
إلى كل امرأة سعودية تبحث عن زوج حق دلع ولا كلام حلو.....

أختي الفاضلة:

أجلسي مع نفسك صباح يوم من الأيام بعد أن يغادر زوجك السعودي إلى العمل.

راجعي يوم الأمس الذي مضى لحظة بلحظة،

وأجيبي عن الأسئلة التالية:

صباح الأمس الباكر؛ من أيقظ زوجك للعمل؟ أنتي أم الساعة المنبهة؟

إذا كانت الساعة؛ أين كنتي؟

إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟

بعد أن استيقظ، ودخل الحمام للدش؛ هل وجد حمامه جاهز؟
لما خرج والأمل يحذوه في وجبة إفطار؛

هل كنتي جهزتي له إفطاره؟

(ولا كوب قهوة وكيك ولا كوب شاي وصامولي (ساندوتش جبن )

قبل أن يخرج للعمل؛ من أين أخذ ملابسه؟ (من بين يديك ولا من الدولاب)

هل ساعدتيه في لبسه؟ (وكشختيه وعطرتيه)

بعد اللبس (وقت الخروج)؛

هل من مودع؟

ولا أحسن إختاري أجابه واحدة مما يلي:

1- خرج وأنا نايمه.

2- صحيت من حركته في البيت،

3- فتحت وحده من عيوني وقلت: وين رايح، العمل؟ بالسلامة.

4- كنت جالسه بالصالة، وهو خارج قلت له لا تنسى الأغراض اللي وصيتك عليها.

5- رافقتيه للباب، وكان وداع حار.

( تبين مساعدة، نحذف إجابتين؟ بس المشكلة مانقدر نحذف إلا إجابة وحده بس!!!)

لما وصل المكتب (طبعا إذا قام يفطر مع الشباب العزاااااااب بالمكتب عرفوا وش أنتي من حرمه)؛

هل أتصلتي فيه تطمئنين عليه إنه وصل بالسلامة؟

تالي النهار وهو راجع البيت من العمل،

دق الجرس ( معه مفتاح بس يبي أحد يفتح له و يحسسه إن له وحشه)؛

هل أستقبلتيه؟
و كيف ووشلون؟

بدا ينزع ملابسه؟
هل كنتي معه ونزعتي له ملابسه و..و..

ثم علقتيها بالدولاب؟
(ولا منطوله بطرف السرير)

يبي يدخل الحمام ويأخذ دش؛ (كرري السؤال حق دش الصباح).

بعد الدش يبي استرخاء، رجليه تألمه من الوقفة طول النهار والمشي،

جسمه هلكان؛

هل ريحتيه؟

(طشت مويه وملح وهاتك يا تدليك)

الآن يبي غفوة قبل ألغداء، هل ساعدتي على توفير الجو الهادئ؟

لما صحي؛ هل وجد ألغداء جاهز ولا هو اللي جايبه معه من المطعم؟؟؟؟؟

بعد الغداء أكيد يبي شاي،

هل قدمتي له الشاي، وجلستي معه سوالف عن كل شيء،

وكيف كان يومك؟

الآن فتره مستقطعه إلى الليل، وشلون قضيتوها؟

بالليل وقبل النوم على الأقل ساعتين
(إذا فيه عيال أكيد ناموا)؛

وش كنتي لابسه؟

كيف رائحتك؟

وشلون صورتك وهيئتك أمامه؟

خلال الساعتين:

وش من جو عيشتيه فيه؟

يمكن تتابعون فلم ولا مسلسل وسواليف، بس الجو العام وشلون؟

وقت النوم، وأنتي رايحه السرير؛ وش كنتي لابسه؟

كيف وضعية النوم مع زوجك؟

(وضعية حنان ))
ولا كأنكم أثنين أصدقاء استأجروا غرفه بفندق وما لقولهم إلا غرفه بسرير واحد (كنج بد) وكل واحد نايم بجهه)

باختصار لكل الأسئلة السابقة:

هل كنتي أنثى مع زوجك السعودي

وعيشتيه جو زوج وزوجه؟

طبعاًَ هذى مو كل الأسئلة المطلوبة من زوجه أنثى،

لكن المهم منها والمطلوب حتماًَ وحق الزوج فيها.

إلى كل امرأة سعودية تبحث عن زوج حق دلع ولا كلام حلو:

ضعي درجه من 100 على كل سؤال، ووزعيها بحسب الأهمية،

ثم أجيبي الإجابة الصحيحة، ومن ثم اجمعي الدرجات التي حصلتي عليها.

كم مجوع الدرجات أللتي حصلتي عليها؟

0% ولا 10% ولا 50% ؟

طبقي النتيجة على المعلومة الزراعية التي أعطيتها أول الرسالة عن الأرض.

إعتبري النتيجة هي نسبة اهتمامك بالأرض. والأرض زوجك كيف بتكون الثمرة اللي تحصدينها؟

(الثمرة أكيد الدلع والكلام الحلو و... و....)

اسألي مزارع إذا احتجتي مساعدة.

في النهاية: أتمني من المرأة السعودية اللي تبي الدلع ما تأخذ لبناني،

واللي تبي الكلام الحلو ما تأخذ سوري

واللي تبي...واللي تبي....واللي تبي....

كفاية يكون في العالم العربي كله بس السعوديين محرومين من الأنثى.

ملاحظة هامة / الموضوع طرح بهذا الأسلوب كتذكير للمتزوجين و المتزوجات و المقصرين والمقصرات فقط .

دمتم بوافر الودّ والمحبة

أخوكم أبـــ عبدالرحمن ـــو

الــفــيـــــصـــل

يعطيك الف عافيه أخي الفيصل والموضوع تكرر ومايمنع التذكير 0
وياليت كل من الرجل والمرأه يقوم بحقوق الأخر على
الوجه اللي الله سبحانه وتعالى يرضاه ويجازيه عليه

المشاركة الأصلية كتبت بواسطة الرميصاء

يعطيك الف عافيه أخي الفيصل والموضوع تكرر ومايمنع التذكير 0
وياليت كل من الرجل والمرأه يقوم بحقوق الأخر على
الوجه اللي الله سبحانه وتعالى يرضاه ويجازيه عليه

[table1="width:95%;"]

موفق بإذن الله ... لك مني أجمل تحية .