بنت السراه

جديد علي السبيه وعسى ان ينال استحسانكم

ترى بنت السراه اقرب من اعيوني ومن قلبي=رهيفه غاليه حسناء تربّت في ربى الباحه
خلقها وابدع آيات الحسن في وصفها ربي=هواها يعتبر طب الحبيب وبلسم اجراحه
جنوبيه ولا يوصل لها الشرقي ولا الغربي=ولا مالت لنسناس الشمال وهبّت ارياحه
تعلّت فوق هام السحب وانا اشوفها قربي=وتملى الجوّ من حولي شذى واعطور فوّاحه
ومن زود الحلا فيها يذوب الجامد الصلبي=ولو تمزج بموج البحر الاحمر حلّت املاحه
غصين البان متلدّن رواه المنهل العذبي=وفي بستانه الرّاوي غرس ورده وتفاحه
الا ياشوقي الجامح وياصبري ويا غلبي=على اللي تفتن العاشق برمش العين رمّاحه
تمهّل يا غزال الباحه الى مرّيت من جنبي=جمالك هام به فكري وفيه العين سوّاحه
على شانك ومن اجلك ترى الاشواق تلعب بي=وجيش الحب كم يهجم على قلبي ويجتاحه
ولو سرتك عمر ما يتعب المشوار من دربي=ولا تاهت عنوايني وفيه الروح مرتاحه