يابدويه

السلام عليكم ورحمة الله وبركاته
(هذي قصيده من اروع واجمل ماقرأت من القصايد عن البدو)
أعتذر لأني مااعرف منو كاتبها..

قالت الله لا يهينك انت خابرني بدويه =ماأحب اللي يمسح غترته ويزبّط عقاله

انا ودي ببدويِ يمشي بدمه حميّه.=لاتعزوى بالقبيله كلهم صاروا عياله

البدو غالين عندي لو حصل منهم خطيّه=الولد فيهم يساوي شيخ ِ بجاهه وماله

قلت انا انعم واكرم ماكذبتي يااجوديّه=سجّل التاريخ عنهم البطوله والجماله

لكن الله لايهينك لاتناسين البقيّه=الحضر رجالهم ياوسع صدره وطول باله

في المواقف انشديني مايتخلى عن خويه=لافزع ماعاد يدري من وراه ومن قباله

وضيفهم يبشر بعزه والوفا المقدريه=كل واحد يسبق الثاني ولاندري بحاله

قالت اكبر عيب فيني يالحضر النرجسيه=مااظن احد بيغرني بطبعه او جماله

انا احب اللي زهابه حاجتين وبندقيه=يفتخر بالذود ويسرح كل يومِ عن حلاله

وان لفاه الضيف شاف الفرق شاف الناس حيه=إبدوي ِ صوت نجره اطرب الطرقي وعناله

قلت انا ليه اختلقتي فرق وسويتي قضيه=الكبر لله والمؤمن ضعيفِ براس ماله

يا بدويه الجروح اللي من اسبابك نديه =والخفوق اللي تحرّى جيتك يا ما جراله

والعيون اللي تمنى شوفتك صارت شقيه=والفراق اللي بليا ذنبِ يذبحني لحاله

قالت الله لا يعاقبني انا بنتِ بريه =من السوالف كلها والحب وين اللي وفاله

ياولد لاتحسب اني جاهله ولا غبيّه =الهوى ماهو كذا والحب انا مابي مجاله

انا اخوي إن قال اخو فلانه عرفت اني بدويه=تجتمع رووس العرب له من يمينه وشماله

وسلامتكم يالغالين..

صقر الجنوب

اشكرك اخوي على اختيارك وطرحك الرائع
ذوق راقي
ابيات روعه وذات معنى معبر
صح لسان القائل وسلمت يد الناقل

دمت بخير وفي خير
تحيااااااااااتي

الله الله
يابواحمد
روووووووعه وفي الصميم

لبى البدو ولبى من يكتب فيهم

صح اللسان قائلها وسلمت يمناك لاهنت

لؤلؤة زهران
الذوق في ردك الجميل
وبالفعل ابيات رائعة صح لسان قائلها

كنت حاسس ان اول من يمر انت
فعلا قصيدة رائعة وجميلة ومعبرة

لعيون البدوترفع


سلمت يمناك

صح لسانك ياصقر الجنوب مبدع ويالبي البدووووووووووو

صح لسان من قالها كلمات ولا اجمل والبدوى يستاهلون المدح اكتمل فيهم الوصف الكرم والشجاعة والجمال
سلمت يمينك يالغالي على النقل ولاهنت لك تحياتي