يالله ياللي تكشف الهم والضيق

يالله ياللي تكشف الهم والضيق
يالواحد المعبود رب البريّة
أنت الرجا يالله لا ينشف الريق
دون المشيب ودون خط الوصيّة
يالله طلبتك ما طلبت المخاليق
ياكيف ابرجي خلق مثلي شقيّة
يالله انا ماجيت درب المطافيق
ولانيب انا ملزوم بأهل الرديّة
ياعالمٍ بالسر بوسط المعاليق
أستغفره من كل ذنب وخطيّة
الهم زاد وطوق الفكر تطويق
والقلب ضايق والمشاعر خفيّة
العمر راح وما بقى فيه توثيق
واللي مضى لاشك صعبٍ مجيّه
واللي بقى بالعمر جعله توافيق
من لحظتي يالله لين المنيّة .

بنات عتيبة أنتي رائعة
لا تحرميننا ما عندك ياقمر
تقبلي سلامي ومروري
آمير الكون

الله الله كلمات قمة الابداع
صح لسانك وعلا شانك وسلمت الانامل التي كتبت هذه الدررالراقيه والرقيقه تقبلي مروري ودمتي بود

العمر راح وما بقى فيه توثيق
واللي مضى لاشك صعبٍ مجيّه

بلفعل العمر راح ولكن نسئل الله العفو مما مضى
كلمات تعبر عن انسانه مبليه نسئل الله ان يعينك ويعيننى على مانحن فيه

تقبلي مروري بود ولك الود

روعه يابنات عتيبه تسلمي
وبارك الله فيك

تسلمووووووووووووووون رحال الله يسمع منك