خاب اليهودي مثل ماخاب عشقي

السلام عليكم
في هذا اليوم الجمعه 10/1/1434هـــ
طلع الدكتور انور عشقي على قناة البي بي سي
يتبجح بتحريم دعم غزه بالسلاح وتحليل دعم المقومه فالشام
بحجة اتفاقية السلام مع صهيون التي لم يلتزم بها
ماذا يعتقد عشقي
وباي صف
يقف؟

ويل العرب من فكر لانوْر على الدون=اللي من امريكا مع الناس فرقي
اللي يشوف ان اليهود املكو الكون =وجيوشهم فوق المخاليق طرقي
من حل لاسرائيل الاقصى وشارون =ومن باع رام الله وغزه لسرقي
قل ابن عشقي صاحب اموال قارون=انه يشوف الحق باطل ومورقي
ان حل لاهل الشام دعم ابن غليون =وش حرمه يوم القوانين خرقي
ليته بدل ماخاف جيش ابن قريون =فكر بنار الله على ويل حرقي
لكن دام اصله من طروش سيحون=ماهمنا فالطرش من كل عرقي
ارض العرب والقدس ماهي لصهيون=خاب اليهودي مثل ماخاب عشقي
من قوة القسام صاروخ مسنون =خلا اليهود اتشوف رعدن وبرقي
وطو الرؤوس وبطلو ياتباهون =حتى نتن ياهو على الجرح يرقي
لولا الجهاد وخيبة اللي يرائون=ماكان فوق الارض للدين زرقي
قل للمثبط مثل ماغرْق فرعون =يغرق نتن ياهو وبشار غرقي

صح لسانك

لاخلا ولاعدم

صح بدنك اخت نوره

ويكفي المحاوله المتواضعه وراعيها

شرف مرورك شاعرتنا

لاعدمتك

صح لسانك نجمنا تحياتي

صح السانك واعتلا شانك وبيض الله وجهك يا نجم بياض الشاش تحياتى يا الغالى

نجم الجنوب : صح لسانك لاهنت أخي الغالي ، أي والله
الله لا يوفقهم هاذول المتخبين ما تعرف ملتهم ولا توجهاتهم .