ياصبا نجد

ياصبا نجد هبّي لين وادي مدار=واقصدي صاحبي واقري عليه السلام
وبلغيه ان قلبي يشتعل فيه نار=وكلها اوقات عمري في بعاده ظلام
بعد فرقاه روحي دايماً في احتضار=لولا ذكراه ماتت وانتهت من عوام
في عيني ضاقت ارض الباديه والقفار=والمرابع طوينا زلّها والخيام
جا للاشواق في داخل فوادي مطار=والمشاعر لها في وسط قلبي احتدام
دايم الفكر سارح ليل والا نهار=ماتهنيت في ارض العاصمه لي مقام
وانا قلبي معلّق في جنوب الديار=ديرة الصاحب اللي مايصفه الكلام
اختاره خاطري بين العباد اختيار=والضروف ابعدتنا غصب والنجم طام
المكان الخيال واما الزمان انتضار=والاماني رهينه للظروف الجسام
بين هذا وهذا مر قلبي مرار=كلما نام فاق وكلما طاح قام
سجن الوقت قلبي ظلم واصدر قرار=سد قضبان سجنه القلب يرزم رزام
السجين الذي يمنع عليه المزار=يطعن الهم قلبه مثل طعن الحسام
والدموع اغرقت عيني وجاها انهمار=والهواجيس شبتني بنار الهيام
ماقبلنا من اضروف الزمان اعتذار=والقدر نافذ امره مايفيد الخصام
ياصبا نجد بلغ صاحبي بااختصار=انه اول نصيبي وانه مسك الختام

يسعدني و يشرفني يا عزيزي أن أكون أول من يزورصفحة قصيدتك...
مع أني لا أدري كيف لقلمي أن يصف روعة قلمك..
عباراتك يشهد لها الإبداع بالتفوق...
تقبل مروري و تحيااااااتي ...

وانا يسعدني ويشرفني زيارتك الميمونه لقصيدتي المتواضعه ياعطرالحروف
حصل لي عضيم الشرف والبستي القصيده تاج من الجمال فيامليون مرحبا

لك مني الاحترام والتقدير والاعجاب بما تتحفنا به

ولنا منك كل ابداع كما عودتنا بما هو جميل ومميز

وفقك الله واكرمك الله بالجنة

شكرا على مرورك الطيب ياغيث زهران وطيب ردك
لك مني خالص الشكر والتقدير