يابوي ليه تبكي كل ما شافتك وعينـك لـي ؛،؛

يابوي ليه تبكي كل ما شافتك وعينـك لـي ؛،؛
تخاف أموت يابوي ... وقبل الموت تبكيني

تكفى يابوي لا تبكي وأنا موجود معك وحـي؛،؛
أجل بعد الرحيل أشلون في قبري توطينـي

يابوي لو تموت الناس ماتسوىدموعـك ذي ؛،؛
وأنا يابوي ميت قبل أموت وأنـت محيينـي

قسم بالله يابوي لجل عينك شربـت الغـي ؛،؛
جرعت الهم والحرمان وبحر الويل يسقينـي

تحملت السنين اللي طوتني في عذابي طـي ؛،؛
وصار الجمر بكفوفي .. وتحت أقدام رجليني

يابوي ماعلى عمري حسافه ولا بقا بي شي ؛،؛
ولكـن بطلبـك يابـوي تكفـى لا تخلينـي

يابوي مابي غيرك يغسـل جثتـي بالمـي ؛،؛
وتكفى قبل لا أتكفن .. يابوي فكلـي عينـي

بأمر الله يمكن ألمحك وأرحل في عيني ضي ؛،؛
وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي ؛،؛
وتأخذني على قبري وتكسب أجرهـا فينـي

وأذا جيت القبر يا بوي نزلني شوي شـوي ؛،؛
ووجهنـي لبيـت الله .. وقبلـه المصلينـي

وحط الطين وأدفني وعزاللي يعـزي فـي ؛،؛
ثلاث أيام يابـوي .. يواسـوك المعزينـي

ورابع يوم يابوي تذكر .. ضحكتي وعني ؛،؛
تذكر وش كنت أقول يـوم أنـك تنادينـي

تذكر يوم كنت أنام في ظل النخـل والفـي ؛،؛
تجي يمي تصب الما..على وجهي وتصحيني

تذكر جرة الموال وصوت في حبالـه كـي ؛،؛
تذكر يوم أغني لك قصيدي وانت توحينـي

تذكر ضحكتك لا قلتلك يابوي عشقي هـي ؛،؛
تذكر كم قصيدة خافيه مـا بينـك وبينـي

تذكر كل شي كان وأذكر يـوم انـا حـي؛،؛
ولكـن أسالـك بالله يابـوي لا تبكيـنـي


أثرت فيني الأبيات
وحبيت أنقلها لكم

وأتمنى انها تعجبكم

نص غاااايه في الروعة

صح لسانك وجاد بنانك

تقبل مروري

احترامي

تسلم على النقل المميز

منورين بمروركمـ الراقي}...

دائما قصائد الرثاء تجد وقعها في نفس المستمع
لانها خرجت بعاطفه صادقة وخصوصا اذا كان الشاعر يرثي نفسه

حضور في هذه القصيدة مبدع يعيشك جو النص
القصيدة جميلة جدا ، لكن هناك بعض الاخطاء الاملائية
التي توهم القارئ ان القصيدة فيها ما فيها من الخلل الوزني ،
عندك مثلا اول بيت لما تقراه مثل ماكتبت اخوي
يابوي ليه تبكي كل ماشافتك وعينك لي

بهذه الطريقة البيت غير موزون بسبب خطأ املائي والصحيح
يابوي ليه تبكي كل ماشفتك وعينك لي

ايضا هناك بعض الابيات ناقصة لم تورد هنا
والبيت الاخير

تذكر كل شي كان وأذكر يـوم انـا حـي؛،؛


والصحيح ان الشاعر ذكر اسمه وهو جابر هايف العتيبي

تذكر كل شي كان وأذكر يـوم جابر حـي؛،؛

واللي يبي يستمع للقصيدة فهنا الرابط

http://www.qassimy.com/nu/voices-act...ices-id-90.htm

وتقبل مروري الكريم

يعطيك العافية اخوي

مشكور اخووي ع المداخله الراائعه