تـــمهل يابن آآآآدم

شاعرة رقيقة تنثر عطر الشموخ فوق أحرفها
أقرأ لها وأشعر أنها تتربع فوق غيوم الشعر
تتساقط قوافيها كــ المطر هادئة ....طموحة ....شامخة

*

الشاعرة الرائعه

سماح البلوشية

قصيدة أعجبتني أتمنى تنال أيضاً اعجابكم

*-* وتمهّل يا ابن آدم * -*

إلى حضـرة جنـاب اللـي تعـدّى حـدّه ولا زال

نصيحه منـي إسمعهـا و خليهـا علـى بالـك

تمهّل يـا ابـن آدم تـرى كـل الرجـال أفعـال

و أنا ما شفت لي شـيٍ يوافـق جملـة أقوالـك

تمهّل قبل مـا تنطـق و ترمـي حرفـك القتّـال

تمهّل قبل مـا تبـدي بلعبـة مـن هـو الهالـك

إذا كانـت شياطينـك تجيلـك كـل يـوم بحـال

تجمِّـل طعمهـا ذنوبـك كبيـر الذنـب يحلالـك

تسب و تقذف و تشتـم لجـل تسعدهـم العـذال

و تتمـادى بأفعالـك حقيـره حـيـل أفعـالـك

تشوف إن البشر مثلك بلا ذمـه رخـاص انـذال

تراهم مثل مـا تنظـر لطبعـك إنـت و أمثالـك

أجيك الصـادق الوافـي تجينـي للفـرح تغتـال

تحاول تجرح دموعي لجـل تسعـد بهـا لحالـك

تظن إن الحـزن فينـي يخيِّـب صـادق الآمـال

و أجيك أضمد حروفـي و أشـرب مـر فنجالـك

حشى والله ما خابـت ولـو حملـي يهـد جبـال

حشى ما تسكـن جروحـي بعينـي لـو تهيالـك

تحسب إني مثل غيري أبضعف و انوي الترحـال

و أبترك مملكة شعري و أبرضي واطـي آمالـك

تكلّم مثل مـا ودك و قـول فـلان قـال و قـال

أبد ما هز بي شعـره خسيـس القـول و جدالـك

كبيره من صغر سني عزيزه مـن ظهـر رجـال

قنوعه بما عطى ربـي ولا قـد جيتـك ألجالـك

ولـو طالـت ألاعيبـك تفضـل كمـل الـمـوال

لأن الله لـو يمهـل أبـد مـا يهمـل أعمـالـك

مثل ما قد طعنت اسمي بعين الصاحـب المحتـال

يجيلك يوم يطعن بك ( بأختك ) صاحـب ظلالـك

تشوف إن الدمع بلـل بوجنـات البريئـه سـال

تجي تنده .. يا خوي افزع .. تشوفك مالخطا هالك

بتذكرني فـي لحظتهـا إلا منـي طرقـت البـال

تشوف إن الندم يذبـح .. يـزود حيـل غربالـك

تحاول تبـدي أعـذارك و لكـن الخطـا لا طـال

أبد مـا تشفـع حلوفـك دمـوع الذنـب تغتالـك

مثل ما قالها حامـد أبخلـص و انهـي المنـوال

ببيتٍ تـدرك حروفـه لجـل يبقـى علـى بالـك

" إذا قصدك تهين اسمي عشـان تشمـت العـذال

ترى لا انته ولا غيرك ولا عشره مـن أشكالـك "

موفقه الله يعطيك العافيه

احسنتي بارك الله فيك

كلمات رائعه واعجبتني
اشكرك على ذوقك وحسن اختيارك
تقبلي اطيب تحيه وتقدير