قالب اللحم المفروم

قدّمي قالب اللحم المفروم مع الأرز الأبيض أو البطاطس





النهارده هنقدّم لك طريقة جديدة وسهلة وسريعة جدا للكفتة؛ جرّبوها وقولوا لنا رأيكم فيها..


قالب اللحم المفروم
المقادير:
½ كيلو لحم مفروم
2 فص ثوم مفروم
2 ملعقة كبيرة زيت
1 كوب بصل مفروم
ثمرة فلفل أخضر مفروم
½ كوب بقسماط مطحون
½ كوب شبت وبقدونس مفروم
ملح وفلفل
بيضة

الطريقة:
1- سخّني الزيت في طاسة وحطّي عليه الفلفل والبصل والثوم، وقلّبيهم مع بعض كويس لمدة 5 دقايق لحد ما يدبلوا، وارفعيهم من على النار وسيبيهم يبردوا.

2- اخلطي اللحمة المفرومة في طبق غويط مع البقدونس والشبت والبيض والبقسماط ومزيج البصل والثوم والملح والفلفل، واخلطيهم كويس أوي لحد ما يبقى الخليط ممتزج كويس أوي.

3- حطّي الخليط كله في قالب مستطيل، ودخّليه الفرن على درجة حرارة 190 لمدة ساعة، ولما يبرد قطّعيه شرايح وقدّميه.. وقدّمي معاه أرز أبيض أو بطاطس وسلطة خضراء.. وبالهنا والشفا.

وبكده تكون خلصت وصفتنا النهارده..
استنونا بكره مع وصفات جديدة..
سلام،،،

ماشاء الله عليك شكل اكلك شهي

مبدعه

تسلمين ع التواجد

يعطيك العافية أختي في الله نقاء وشكلها يشبه الكيك رائع وموضوع
متميز أختي