القارعه الرابعه بين شباب المساريه

يبدا بالرد عليها أحمد الدرمحي

البدع

يادرمحي مرحبا بك عد خط القلومات

ترحيبةَ من شباب القرية يا احمد ويحيى

ودارنا خير لك من ديرة ما تمنها

واخير لك من جبال أهل التهم وشدواها

بقيت واللي يعاندكم وناحي قلوا مــــات

عسى الذي ينفع الأجواد يسلم ويحيــــى

واللاش جعله بعله مزمنه مات منهــا

علة جميع الأطباء مادروا وش دواها

يقول بو فارس أهلاً بك ميات(ن) وألوفات

عداد من طاف حول البيت سبع(ن) بسعيا

وعداد عمران مكه واعدد ماسكنها

يوم أن مكه حماها ربها من سماها

مع التحية للجميع

طبايع أهل البدو ما هي محنه ورقات ( رقه)
لكن درب أهل خيبر ما يوّرا عمايا
دروبهم سايق الجيب الذي مايمنها
يحيى رواها لكم لا تنتشد من رواها

قصيدة أبو فارس

يقول بو فارس أهلاً بك ميات(ن) وألوفات

عداد من طاف حول البيت سبع(ن) بسعيا

وعداد عمران مكه واعدد ماسكنها

يوم أن مكه حماها ربها من سماها

الاخ الفارس بدع جميل ليس غريب على شاعر مثلك ,

اليك الرد واعذرني على التأخير /

بقيت ياللي بعزمه يلحق الفوت لافات

يداوس اهل العقول الجوف ويداوس اعيا

جنبيته في يمينه عالوفا ماسكنها

والمرجله ماتضلي من قلوب(ن)سماها

قصيدة اللساب

طبايع أهل البدو ما هي محنه ورقات ( رقه)
لكن درب أهل خيبر ما يوّرا عمايا
دروبهم سايق الجيب الذي مايمنها
يحيى رواها لكم لا تنتشد من رواها

الا خ اللساب اشكرك على اهتمامك في هذا البدع الجميل ,

اليك الرد /

أهل اليمن عندهم مايطلع الا ورق قات

لاقل ماي(ن) على المزرع ولاراع مايا

والديرة الموقته مايظهر الماي منها

وبعض الاغصان همت تنكسر من رواها

البدع

يقول بوخالد اتحرى الوعود الوشيكات

سارت مواعيد بعض الناس لي منقضايا

كثر المواعيد والاقوال انا مالّ منها

ياصاحب العقل هذي قصتي وش تراها

المعذرة ياشباب وعذر مخصوص لمشرفنا أبو خالد على تنزيلي هذه القصيده قبل أن يتم الرد على قصيدة أبو خالد بسبب تأخر شاعرنا الدرمحي بسبب ظروفه ولكن التعب عليه مامعنا إلا نتولجه

القصيده

يقول أبو فارس اكنز في الخزاين جنيهات

يومن غيري تمنى في الجناها منيا

بأعطيك وأعطي الذي منها تمنا جناها

هذي هديه لكم وإن كنت حناس عفها

:D

مع التحية للجميع

:D :p

الاخ ابو خالد يعطيك العافيع استلم الرد

الدرمحي قال لو عندي دراهم وشيكات

ابندر السوق وتقضا بمالي قضايا

لكن جيوب الفقر يتعذر المال منها

والفايده جالها راعي ورق واشتراها

الاخ ابو فارس اعذروني على التاخير لا ني مرتبط بثلاثه منتتديات اخرى ولااستطيع التوفيق بينها ولكن انتم اقرب الى قلبي واشكرك على هذا البدع المحبوك , واليك الرد /

ياراعي النخل هات الفايدة والجني هات
من نخل بيشة على قلبي جناها منيا
والدوم ماكل مخلوق(ن) تمنى جناها
معروف (ن)الدوم حتى لو تحنا سعفها