مذكرات شاب في الصيفية تموت ضحك

مذكرات شاب سعودي بالاجازة الصيفية===> اخس يا تاتشر

اول شي نبدأ من بداية اليوم في فجر ذاك اليوم حين تشقشق العصافير ===> يمديك على تشقشق ؟=> اجل هن خياطات .خخخخخخخخخخخخ

حين تشقشق العصافير وانا عاض المخدة تقول اني فطيس,المخدة تنام جنبي وهي تشتكي ولا ما تشتكي والله رايح بعين امه غيبوبه ,, اشتكي لوسادتي دنياي واسمعها تنوح خخخخخخخ يلعن ام النصبة , يا ابن الحلال انت تجسر تنام لحالك
؟==> مهب انا هو..!!

بعذري لا انيس ولا ونيس ولا عنز اتبعه ,بس في سؤال يسدح نفسه , لو فيه تمساحه جنبي وبحركة سبلكس خلفي "ro" ما دريت ودبجته وش السوات ؟ الحين سريري ابو نفر وما كفاني من التشقلب والتقلب مهب عاد تبي تجي ست الحسن.!!

====> خطب من ناس وقلعوه خخخخخخخخخخخخ يلعن ام الهواجيس والخيالات قبل هالرفض!!

عادي تصير بأحسن العوايل , وش ناقصن؟ اصلا انا كلي ملح . صح ان خشمي كبير , وعيوني داخلة ,وسنوني مكسرة ,وحجاجي تقول انه لوحات النصب اللي بالقرى (حللتم اهلا ووطأتم سهلا مرحبا بمقدمكم المشؤوم ..)
ولون خشتي مالغ .. مالغ حشا مصاويل شاهي ..
وحب الشباب مالي وجهي , من وين الشباب وشعر راسي طايح ( ترى مهب كله الغرة بس )حسافة ما اقدر اسوي قصه كلب ما ادري اسد..:6"
وين شطحت انا ؟

نرجع للوسادة اللي صفرت وطلع القطن من الجوانب كنه سر سعودية "sksokh"
, بلاه من السعابيل اللي تقاطر لترسم احلى موناليزا كخريطة العالم ==> اخس يا كاظم

اقوم من النوم من ريحه الوسادة عاقد حجاجي محمر العينان مع ظهور عروق في داخل العين من اثر المقاومة ..
تلفت يمين يسار فوق تحت السرير ..أسأل روحي من انا ؟ وش جابن انا ؟ وراه ما صرت تيس اربد ارعى فوق الجبال ..او قميرية تطير بين الجنان ..
او طار في قصر افراح على البست ===> بحرين ؟ من جاب طاري البحرين ؟

..او من عيال العذل والعساف والسديري لي مخصصات ؟ قبل ما أفرك الارض ..

وتلقى جواب هالسؤال الأليم بعد عضة لسان منك ان واقعك انك شاب سعودي عاطل:6"
فتحاول الهروب من هذا التفجير ==> وش دخل التفجير يمه ما لي دخل .
وتلقط فوطتك وفرشاة اسنانك ===> يا عيني يا تربية ..

الساعه تشير الى الثالثة ظهرا
نزلت الى حيث عائلتي المبجلة , عيال خواتي يتضاربون خواتي متماسكات الشوش ..طيب ابي افك ريقي بقهوة من اقوله يجيب لي ؟ اخواني كل واحد ما يبي يحط عينه بعيني علشان ما اكزه (ايقالي قصيمي ؟)!
تجي اميمتي وتجيب لي القهوه اللي مسويته تسع الصبح !!
وش السالفه عنده شي وش تبي بس ؟
يا وليدي أبيك توديني لخالتك رقية مبطية عنـــ.. فيأتيها الجواب لالالا منب فاضي . ===> اخس يالاعمال. عاد هذا وقت تطلب به هي ؟

اشرب فنجال من القهوه مع تمرة سكرية تخفش بأفمك ==> على فكرة ترى اكتشفت انه ما ضرنا ومرجنا الا هالسكري=>وشلون يوصل المعلومة؟

ان للتمر السكري مفعول السمك والقمبري والطحنية"ro" ===> للاذكياء بس الجنوط يمتنعون ..

بعد كذا اتفصح الجريدة ,استقبل وودع وكح وعطس ونام همن ألحس ايدي بلقمه رز واقوم ارقى لسجني العزيز وانبطح بطحه على فراشي..اطارد الهموم والعب معها حبشة ما ادري طلق ما ادري طش ..همن اول هاجوس تطقن الحسوفة
وش قلت انا لاميمتي .؟ يالللللللللله خلن اوديها بس بشرط ما تاكل كراث عند خالتي رقية ==> هذي ما تحبن قد زقرته مرة===> "ro" "ro" الله من زين التعامل والاتكيت والمجافسة ما ادري مجاملة .


اركب اميمتي تصبخ بالباب ططططططططططع !! يااميمتي شوي شوي فترد قائلة :سم يا بيي سم==> اخس ياانا

=> ايه جودك على هالضعيفة..

همن ألطف الجو واقطع جلد وحدة من الاقارب واحيانا اعطيها ارنب وززززز علشان ارفع من معنوياتي فأقول لها :هذيك فلانه الحقيقة انها ما تستحي!شافتن بالسوق معه رجله وبدت تبلحق بي اعوذ بالله ما قل حياه ما قد شافت واحد وسيم من عايلتهم !!فترد امي قائلة ايه الله يهديهم بس ===> ما ادري هي صايدتني ولا ماكلة بي مقلب اني وسيم ,ولا انها تقول لو انت زين ما رفضوك اللي خبطنالك.!!خخخخخخخخخخخخ اخس يا توم كروز يا انا ..


خبطة :من خبط يخبط خبطة اي اختار بعشوائية ,الحقيقة ان هالموضوع يؤرقني تؤبروني ==> فرنسي الولد
يعني ابعرس من اختيار اهلي ,طيب اهلي بصراحه ما عندهم ذوق يعني آخذ شينه ؟؟!!
المفروض ان الواحد اذا جاء يعرس يدفع عربون نص المهر يعني 30000 ريال تقريبا ,همن يخلونه يدخل مع الحريم بقصر افراح بس ما يكون طق اسلامي ويختار بنفسه يتمقل ويقارن ويشوف الرقص ===> اهم شي
احسن من ان الواحد يروح يخطب بنت ,خصوصا مع الطقوس اللي تصير اذا دخلت عليك شايلتن عصير وسدت نفسك من خشته يعني حرام تكسر بخاطر البنت ===> حساس

الله يستر من العرس ويستر علي وعلى ذرة العقل اللي باقية بي !!

نكمل :وصلنا ليوم اني ركبت الوالده المبجلة طبعا ريحة الزت او القت تعطعط بالسيارة تركب واوديها للبيت باقي على المغرب ربع ساعة وين اروح وش اسوي ؟
مالي الا احتري بنات الجيران يرجعون من مشوارهم هذا موعد الوصول .اجلس بالسيارة واول ما الوحده تحط رجلها بالارض انزل وبيدي الجوال واقول : ابشر ما يصير خاطرك الا طيب بسيطة ===> ايقاله واسطة طبعا كل هذا وانا ما
التفت ايقالي ثقل ..ايه الله يخلي النظارات الشمسية ..خخخخخخخخخخ"sksokh"

المغرب :
وقت القهوه مع والدي العزيز! اول ما أخذ شفة الفنجال
يقول لي: ياوليدي وراه ما صليت مع الجماعه ؟
صليت يا بييي !
فيقول : الله يهديك بس خل السهر اللي ماله داعي ===> لازم يطلعني غلطان
يبه انا اسهر علشان اصلي الفجر
فيقول :ايه بالحيل شف اخوانك ما يسهرون ,وهذاهم الناس يتجدعون عليهم تجدع يوم جينا نخطب لهم==> ايه بالحيل

سم ..!!


اكمل فنجالي واحيانا اكبه وأخذ ما بقى من خشتي وأطق التكميلة وعلى الاستراحه قبل ما احط رجلي ابطلع توقفني امي نبي نروح للعرس ,ودنا !!

الحقيقة هذا المشوار الوحيد اللي احب اوديهم واجيبهم منه ,يالله من فضلك !!

اهم حاجة اذا جيت آخذهم أقول للي ينادي اسم خطأ علشان ما يطلعون بسرعه وجوالي أقفله ,وخذ يا قزقزة خخخخخخخ"ro"

واذاركبتهم بالسيارة معك خذ الموجز وش شافوا وش قالوا .كل هذا لتنشيط الخيال العلمي الخصب لي !!

بعد كذا اروح للاستراحه يالله من فضلك
وجيه مثلي تفتح النفس,واحد ينفخ بوجهك تتن ,واحد يعسل معسل سيريلاك تجلس معهم كنك بشلالات النيهالانلا==> ثقافة فرنسية
يذن الفجر
ادق اسلف وارجع للبيت انبطح بفراشي استعيد ذكريات يوم ثقيل كأي يوم مواطن سعودي رايح بعين امه ..

THE END

الله يعينّا على ايام هالصيفية ! !
الله يعين اللي يبي يخطب ومصدق عمره !
اذا رحت للعروس عيب التقزقز !!
الله يعين المخاد من السعابيل ! !
وعسى امهاتنا ذخر لنا ويحللهم منا ويحللنا منهم .!
والمهبول مهبول لو كان اخلاق !!
__________________
غلطانه أمي يوم على الطيب ربتني
تحسب ناســي مثـل ناسهـا طيبين
قالت سامحي كل من عليك يخطي
الناس تخطي وهم عن القصد ساهيين
مسكينه أمي من غير قصد ظلمتني
ما درت إن الطيب وحده المسكين
هــــذا يا يـــمه واقع زمـــانـــي
نفس إلي يضحك معي الـــــــــيوم
بكـــــــــــــره يطعني بسكـــــين
__________________

ههههههههههههههههههههه


والله مسجين


تسلمي يذوق

هلا وااافي انت الي كلك ذووووق تسلم

هههههههههههههههههههههههههههههههههههههه
بصراحه يوميات عاطل بجد الله يسعدك كنت طفشان وجلست اضحك