اتحداك ما تضحك

تخيلوا لو اثنين سمعهم ثـقيل جدا ً اتكلموا مع بعض !! إيه اللي ممكن يحصل ؟ تعالوا نشوف إتنين واقفين على محطة الأتوبيس ودار بينهم الحوار هذا :

الأول : الأتوبيس ده بيروح مصر الجديدة ؟

الثاني : على الحديدة !! ليه انت طالب احسان ؟

الأول : بذرة الكتان !! لا ... دي تلاقيها عند العطار .

الثاني : جزار!! اه ... قوللي كده ... عايز تشتري لحمة .

الأول : معك حق ,الدنيا زحمة , علشان ده ميعاد خروج الموظفين حنا للسيف .

الثاني : نور الدين !! لا والله .. ماعرفوهش .

الأول : ما بتشربوش !! ليه ...؟ كفا الله الشر .

الثاني : رأس البر !!! ده مــصيف هادي .

الأول : عايز تركب للمعادي , دي منطقة جميلة .

الثاني : بليلة !! أنت شكلك كده جعان .

الأول : عيان !!! أي والله . انت باين عليك عيان , طيب ما تروح للدكتور .

الثاني : الحنطور !! ده احسن من الأتوبيس ، وبيوصلني لحد الباب .

الأول : هبــــاب !!! وانا اللي كنت فاكرك محترم .

الثاني : اتخـرم !! هو مين ؟

الأول : عاوز اسـبرين !!! ليه انت عندك صداع ؟

الثاني : قراع !!! ينهار اسود , ده مرض خطير .

الأول : لا والله مش عايز , وبعدين مش بأحب الفطير تقيل على المعدة وتمنه غالي .

الثاني : خالي !!! أنت تعرف خالي ؟ ده راجل كبير في السن .

الأول : الجن !!! نهارك مش فايت , أنت عليك عفريت ؟

الثاني : لا والله مش بدخن , أنت عايز الكبريت ليه , عايز تولع ؟

الأول : أدلع ! أدلع !!!!! عليك انت , أنت ما تملاش عنيا .

الثاني : يقبضوا عليا !! ليه ؟

الأول : أنت غريب يا راجل أنت , شكلك شحات ، (يدفعه من القميص) روح اشتغل شغلة تاكل منها عيش .

الثاني : خيش !! والله ده صوف انجليزي .

الأول : بنتك زيزي ببخخ !!! ربنا يخلي .

الثاني : أنتاج محلي !! ده مستورد .

يمر شاويش من بتوعنا , يلفت انتباهه الحوار فيقول لهم : بتعمل ايه يا جدع منك له ؟

الاتنين في صوت واحد : ايوة يا شاويش ...إحنا مستنين الأتوبيس .

الشاويش : نهاركم مش فايت , جواسيس !!! قدامي على القسم

فعلا اثنين الله يستر عليهم

لو يجلسون في البيت اصرف لهم

كل واحد خاش جو مع سالفه ليتهم يدخلون في السالفه نفسها

المشكله يحذفون على موضوع ثاني

مشكله السمع


يعطيك الف عافيه
وربي ما تتخيل كيف الي جنبي جلسو يضحكو

والله العظيم موضوع قمة الروعه

روعه ضحكتنى من قلبى

شكراااا

تحياتى