مشترك جديد ويحمل الجديد

بداية نحيي الجميع ونهنئهم على هذا المنتدى المتميز واتمنى ان تتسع صدوركم لوجودنا بينكم..

هذه مشاركتي الاول ولن تكون الاخيره ان شاء الله وهي عباره عن مجموعه جديده من رسائل الجوال والتي اتمنى ان تنال على اعجابكم واستحسانكم..

**********

صرت قلبي وعيني مهجتي والكيان

صرت ذاتي ونفسي صرت مني وفيني

صرت دنياي كلها والزمن والمكان

وشبقى فوق حبك غير ربي وديني

ضمني في ضلوعك ضمني في حنان

وامسح ادموع طرف طول عمره حزيني

واسقني بالمودة والوفا والأمان

وخلني احيا بقلبك ما بقى من سنيني

**********

تعرف أني أغليك حيل وأهواك ..

اليوم وبكره وما بقي من زماني ..

تقول الأمل يسطع في سماك ..

وأقول الصبر يمكن يحقق أماني ..

حتى وإن حصلت ما بلقى سواك ..

كأن ربي عن هوى غيرك نهاني ..

**********

كل اللي يكفيني بعمري لحظتين..

لحظة أشوفك و أختنق من عبرتي..

ولحظة أبادلك الحنين..

و أشتاق لأحلى لحظتين..

و أشتاق أنا في هالحياة لكلمتين..

كلمة " أحبك" نفسها بس مرتين..

**********

كتبت لك من دمع عيني رسالة..

ختمتها بالجرح و الحل في يديك..

انت الامان اللي زماني مشى له..

مسكين قلبي ما حمل غير طاريك..

انساك هذا يا ملاك استحالة..

ما انساك لين الموت ياخذ روح مغليك..

**********

السعادة والفرح بلمسة يديك

وكل همي إني اسعد في لقاك

كل ذرة في كياني هي تبيك

الله اللي بلاني والله اللي عطاك

بس تطمن مالك بقلبي شريك

الوفا طبعي وتستاهل غلاك

**********

مهما نواجه من فراق وصعايب...

نبقى على عهد المحبه والاصحاب...

ومهما نشوف من الزمان العجايب...

تبقى المحبه بيننا ضد الاصعاب...

هذا كلامي بالرخا و الكرايب...

منساك لين ينحط فوقي التراب...!!!

**********

هلت دموع العين عند الوداع

وارسلت دموعها شوق وحنين

قال ودع ما يفيد الامتناع

الشقي مقسوم مير الله يعين

يا حسايف وقتنا والعمر ضاع

نجتمع يومين والفرقا سنين

**********

ودعتك الله يا موادع

حبايبك

وداعتك روح توادع

جسدها

بالله جاوب دمعة العين

تسألك

منهو طرا الفرقا ومنهو

سببها

**********

على طاري الكلام العذب ياعمري ايش اخبارك

وش اخبار الغرام اللي سكن في داخل عيونك

وعلى طاري صباح الورد من بستان ازهارك

صباح الياسمينة ياعبير الورد يالونك

انام بحضنك الدافي واعيش بعالم اشعارك

يصبحني غلاك العذب وامسي بدافي شجونك

وشكرا للجميع..

الله الله ياسلام يالكاسر اذا كان هذي اول مشاركه فاكيد انا راح نستفيد منك
الله يحييك وما قصرت

تسلم اخوي جبل الصفا والف شكر على مرورك .. :)

الكاسر الف شكر على المسجات والله حلوه

مجهود تشكر عليه

تحياتي لك اخى الكريم