الحظ الاقشر لا وقف لك وعاداك

هذه القصيده اخر خربشات علي السبيه الغلبان
ان مريتم مشكورين وان طنشتم معذورين

الحظ الاقشر لا وقف لك وعاداك=ورّاك نجم الليل عز الضهيره
من وين ماوجّهت سيرك تقفّاك=ويعرّضك كل الدروب الخطيره
لو كنت مبصر توّه الشوف واعماك=ويحيّرك وتضيع منك البصيره
لابد حضك يهزمك لو تحداك=مادام روحك عالقه في مصيره
حضك رفيقك وين مارحت خاواك=مرهون له عمرك لشره وخيره
ومادام سعد النجم الاول تعداك=غابت معه كل النجوم المنيره
حتى زمانك ما يطيعك ويجفاك=يختار لك كل الضروف العسيره
والوقت ماترحم صروفه ويبلاك=واللي تبلاّه الزمن من يجيره
واما انت ياحظ السعد وين نلقاك=تبدل صحارينا نهول وبحيره
واقولها ياطيب الحظ لولاك=مايضهر البترول برض الجزيره

أبو طلال
يسعدني ان اكون أول من يعانق هذا النص
صح لساااانك ملاااايين
منهل إبداع لا ينضب

غير مستغرب هذا الابداع وهذا الكلام الجميل من راعي الحكمة
ابو طلال صح لسانك وبدنك ملايين انا اشهد انك صدقت وكل بيت
في هذه القصيدة عن معلقة


الحظ الاقشر لا وقف لك وعـاداك
ورّاك نجم الليـل عـز الضهيـره

كلام واقعى جداً صح لساااانك ملاااايين

صح لسانك مدادا....ونبضك حتى ترضى...//

ومن ارقى لـِ ارقى ..//

ننتظر حروفكْ..بـِ شغفْ...//

ابداع يا ابو طلال .. وشعر من الوزن الثقيل صح لسانك يا شيخ ملايين

صح لسانك يابو طلال مدد بلا عدد
وعز الله لصدقت في كل حرف من هذه الرائعة

المشاركة الأصلية كتبت بواسطة الهجيــــر

أبو طلال
يسعدني ان اكون أول من يعانق هذا النص
صح لساااانك ملاااايين
منهل إبداع لا ينضب

صح بدنك ياالهجير وللقصيده وصاحب القصيده
عضيم الشرف بمرورك يا استاذ الشعر والمعنى

المشاركة الأصلية كتبت بواسطة صقر الجنوب

غير مستغرب هذا الابداع وهذا الكلام الجميل من راعي الحكمة
ابو طلال صح لسانك وبدنك ملايين انا اشهد انك صدقت وكل بيت
في هذه القصيدة عن معلقة


الحظ الاقشر لا وقف لك وعـاداك
ورّاك نجم الليـل عـز الضهيـره

تسلم ياابو احمد وصح بدنك ياالغالي
ومرورك يشرفني واعتبره تاج على راسي

المشاركة الأصلية كتبت بواسطة ابواسامه

كلام واقعى جداً صح لساااانك ملاااايين

تسلم ياابو اسامه وصح بدنك واشكرك لك مرورك الكريم