ماهي الظاهر التي تتمنى زوالها من مجتمعك.؟

السلام عليكم ورحمة الله
نلاحظ في مجتمعاتنا انتشار ظواهر كثيره يتمنى الكثير منا زوالها او نتمنى انها لم توجد بيننا من الأساس.
وكل ظاهره بحد ذاتها , في الحقيقه تعد موضوع للنقاش.

فاتمنى من الكل المشاركه بذكر هذه الظاهره التي يتمنى زوالها من المجتمع
تساؤلاته حولها / تعليقاته / ملاحظاته / وطريقة انتزاعها من المجتمع ان وجد حل
***
ألف شكر
أخوكمـ / تايه

أخي الكريم كما تفضلتم الظواهر الدخيلة والمتفشية في مجتمعنا كثر
لكن هناك ظاهره أصبح تتاما وتنتشر بين طبقات من مجتمعنا وقد يكون لها تأثير إن لم تستأصل
إنها بمثابة الحرب البولجيه على المجتمع كله

إنها ظاهرة الاستهتار والتعدي على الدين

سؤالك وجيه اخوي تايه بس الاجابه صعبه ويبي لها صفحات وصفحات لحصرها
بس بختصر الاجابه بحديث النبي عليه الصلاة والسلام
(ولو دخلوا جحر ضب لدخلتموه)

أخوي تايه الظواهر كثيره بارك الله فيك لكن اللي مفور دمي وفاقع قلبي ....


ذولي الحريم اللي لابسات هذي العبايه اللي عليها رسومات وداق اللثمه...


وهذا الكعب اللي لابسه في رجلها وتشوفها مرفعه تقول شاص 84.

سؤال بحث أخي تايه أليس كذلك أنت تبحث عن الظواهر التي في مجتمعنا ونتمنى زوالها أنا بالنسبيه لي الظواهر كثيره جداااااااااااااااااااً ولكن أول ظاهر أتمنى زوالها هي زواااااااااااااااااااااااااااااااااااال الاجانب من المملكه العربيه السعوديه الذين لم يضيفوا لدوله سوى زيادة عدد وارتفاع الاسعار على المواطن فقط لانهم يمسكون المحلات التجاريه وتوسع نفوذهم وزيادة قوتهم ومخالفتهم لنظام الدوله عيني عينك وإذا في أمك خير قول ممنوع وكمان زيادة معدل الجريمه وانحرااااااااااف الشباب بسبب ما يبثونه من سموم المخدرات والافلام الاباحيه المنسوخه و....؟!
وكمان أصبح السعودي لا يحمل علم ولا يشير إلى اي دوافع سياسيه بينما نرى الاجانب اصبحت سياراتهم تزين بعبارات خاصه بهم واعلام بلادهم وقد رأيت بعيني افريقي جعل علم بلاده بالالوان على شنطة السياره فمن جعله يتمادى اليس المولى لهم حماية الدوله ؟شوكتهم حاده على ابنائنا ممنوع التظليل ممنوع ....الخ
ولكن سؤال هل إن قمنا بما يقمون به الاجانب في بلادي في أي دوله كانت عربيه أو في شرق أسيا
هل سوف يقولون سعودي مسكين ؟؟؟؟؟؟؟؟!!!!!!!!كما بتفاهة عقولنا وسذاجتنا نقولها للأجانب وهم يحفرون لنا قبورنا ونحن نمسح على أكتافهم نقول مغتربين ؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!

أولا كل الشكر والتقديرعلى مروركم

( nsa81 )
فعلا كلامك صحيح لكن ما ودنا نكبر الموضوع الى درجة انا نقول عنها ظاهره متفشيه.
لو تلاحظ قبل , اللي يدوّر الشهره تلاقيه يحاول يرتقي على أكتاف ممثل او كاتب أو لاعب أو فنان والا اي واحد من هالمشاهير سواءً باثارة موضوع حوله أو يسبه او زي كذا
واليوم لا , تحولو على الدين , هذاك يحلل امر من كيفه وهذا يحرم او يطرحون قضايا دينيه للنقاش مفروغ منها من الاساس.
عجزنا نفهم هدفهم دام الحلال بيـّـن والحرام بيـّـن وش اللي يبون يوصلون له؟
شهره؟ .. أو لأغراض أخرى الله يعلم بها
نسأل الله ان يعز دينه وينصره ويحفظه من مثل هؤلاء.

( رباع الماضي والحاضر )
اتوقع انك تقصد التشبه بالغرب وهذا واضح من دليل حديث الرسوال عليه الصلاة والسلام اللي ذكرته.
لكن للأسف ان هناك اشياء زي ما يقولون اخذنا شرّنا بيدنا , لا ويمكن ما تلقاها بالمجتمعات الغربيه.
وش رايك في الواسطه.؟
موجوده في اوروبا , اميركا ... الخ؟
ولو تقول موجوده بسألك: موجوده كثر ما عندنا هنا؟ وبنفس المستوى؟
هذا مثال بسيط وغير كذا كثير

( المظلوم )
فعلا تاذخنا الحميه تجاه هالاشياء اللي نشوفها ونستحي من نفوسنا حتى لما نشوفها.
لكن في البدايه هناك ناس شجعوا على ظهور هالاشياء ورحبوا فيها وتقبلوها الين صارت شي عادي.إلا لو انهم انكرو هالاشياء وما رضوها بينهم مايكون تشوفها منتشره الحين.
ولازم تكون درس نستفيد منه في التعامل مع بعض القضايا مستقبلا.
ومالنا حيله غير نطلب الله يلبسنا بستره.

( بحور )
أما الأجانب ,, من ناحية ظاهره فهم ظاهره نعم
وواضح جدا انهم مسببين لنا قلق وارتباك في اغلب الاماكن والقضايا في البلد.
النصب والاحتيال هاللي نسمع عنه / السرقات / استغفال السعوديين / وحتى قيادتهم في الشوارع / وغير كذا الكثير
لكن ما ننسى ان الخير يوجد في بعضهم ويجب علينا معاملتهم معامله حسنه وتقبلهم بيننا كما امرنا الاسلام.
ومن ناحية الاستغناء عنهم وزوالهم كما ذكرتي فهذا الشي من وجهة نظري اشوف انهم صعب ومستحيل , خاصه في الوقت الحالي.

هذي آرائي ووجهات نظري حول ما تفضلتم به
مشكورين والله يعطيكم العافيه

اتمنى زوال الكذب والحسد وقطيعه الرحم عند البشر جميعااا

اتمنى زوال نعمـة الحرااام والتعامل به في بعض البنوك والشركات الكبرى

أتمنى زوال
غلاء المهور ليتم إعفاف الشباب ومحاربة العنوسة
حفلات عقد القران ( الملكة )
تدخل بعض الاشخاص فيما لا يعنيهم يعني يدخل قصه فينالايخصه
يعطيك العافية

اتمنى زوال الشك