:: لعن ابوها صداقة دوم للمصلحة ::

السلام عليكم ورحمة الله وبركاته

أسعد الله مسائكم جمعاً بالخير والعافية يارب

هذي قصيدتين بدع ورد مني قلتها لموقف حصل لي

مع أصحاب لي فالعمل بعدما صحل لنا مشكلة جميعاً بعضهم طلع ونعم وفيه خير ووقف

معي وأما بعضهم تخلى ولا وقف معنا مع انه كان حاضر معنا وشاهد على كل شي ولكن

يقول ما سمعت شي وهو كان قاعد معنا , فبهذا الموقف عرفت من اللي صادق في صحبة

واللي يصاحب لجل المصلحة فقط فلا يُعرف الصاحب إلا في الشدة

القصيدتين بطرقين مختلفين لأن كل واحدة قلتها في يوم

حبيت أشارك بها وإذا فيه نقد أو ملاحظة نتقبل بكل روح وأترككم مع القصايد :

القصيدة الأولى وهي في اللي تخلى وشرد وطلع ........ فشــــــــــــــل:-

البدع :: xصمــ الوداع ـــتx

كان لي صاحب(ن) نعم الأخو والصديق#

كنت أعده لباس الجنب حزات ضيق#

لين جا وقت نحتاجه تخلى وجنب#

لعن ابوها صداقة دوم للمصلحة#

الرد :: xصمــ الوداع ـــتx

لا تكـثـّر كلام انا اعرف اللي صديق# [ صديق = صادق ]

ضيق وازعل علي إن كان ودك تضيق#

ما ابغي إلا رافقه درع للراس والجنب#

رح وبادعي لك الله دوم بالمصلحة# [ بالمصلحة = بالصلاح ]

أما القصيدة الثانية في الرجال النشامى اللي وقفوا معنا كذاااااااااكذااااااااا :-

البدع :: xصمــ الوداع ـــتx

ياأصحاب دربي ترى ما أكبر غلاكم بقلبي#

يا أهل الوفا والمروه والكرم والمواجيب#

أبو ليان والبصيلي رمز الاخلاق والدين#

محمد الشهم ولد الشهم من نسل الأجواد#

وأما البصيلي فهو من خيرة الناس بوصوف#

يا جعل ربي يهنيني بهم تالي اسنين#

ولا انحرم من حبيب القلب واموت غبني#

الرد :: xصمــ الوداع ـــتx

بعض البشر يا محمد وده اليوم بقلبي#

وصبري اليوم أعده من حكوم المواجيب#

مادمت صاحب ومن ضمن الرجال المودين#

و بدوتك كالسيل الأدهم عندنا لاولج واد#

ولا كمابرق ضوه ماله حدود وقصوف#

أقولها مثل سيف ن لاهوى حد و سنين #

ماهوب مثلوم حد وللعدا مايغبني#

آآآآسف على الإطالة

وأتمنى تكون استمتعتم واستفدتم من تجربتي واللي يمكن مرة على كثير لكن جت في حزة

قلبي مفقوع منهم وسلاااامت الجميع ...

أخوكم ::: xصمــ الوداع ـــتx
[/font][/size][/grade]