وش بقى بي ما طعنته

يا زمن قاسي وطعناتك سمومه=وش بقى بي ماطعنته يا زماني
كل ما قلت اسفرت عني الظلومه= كن حظي يازماني بك رماني
الله اكبر كم بقلبي من همومه=ما بقى له من ظلامك اي اماني
كل هذا وان عتب كلٍ يلومه=كيف يعتب كيف يفرح لو ثواني
اصبري بالهم يالنفس الكتومه=اكتمي في داخلك وحدك وعاني
خلي الي عاشقٍ حتى نسومه=صوب الطنعه وبسهومه رماني
قلبي لي ماخذٍ حبه طعومه=سدد الرميه وجت بين الحواني
اه ياالقلب الذي كثرت خصومه=الزمن والناس والخل الأناني
حسرتي يالي تعنى بين قومه=كنه الربان يتحرى المواني
كم توهمت ان يديها رحومه=وان طعنات الخناجر بالبناني
وش بقى للهمس لاضاعت حلومه=غير بيت الشعر يكتب به معاني