الغــــــــــزل والغــــــــــــرام !!!!!!!!!!!!!!!

الحقيقه اليوم ودي اتقمص شخصيه غريبه وعجيبه وللامانه
ما اكثر من تنطبق عليهم هذه الشخصيه وكلي ثقه ان لا احد
من هذا المنتدى منهم او يقتدي بهم.
.
وبالنسبه للقصيده لا ادري ان كان تروق لكم او لا
ولكن ان وجدتم فيها ما يرضيكم فهذا ما اتمنــاه
وان لم تنال استحسانكم فالعذر والسموحه ومن يرغـــــب
في حذفها له ما اراد يكتب لي على العام او على الخاص
اذا ما يبغا احد يعرفه ويبشر بطيبة خاطره
ولكم محبتي واحترامي
.

اليوم بلبس ثياب اهل الغزل والغرام=و B M استاجره بالنصف من راتبي
وبغسل البشره واحلق عارضي لو حرام=واقول يانفس سوي واطلبي ماتبي
واطب الاسواق واتغلغل بوسط الزحام=واهمس في الاذن وارفع للنساء حاجبي
وكل ما شفت لي وحده رميت السلام=وابلل الشفه وامسح على شاربي
واتضاهر اني ولد فلته وحالي تمام=مابه شباباً يعادلني ولا شايبي
ديكوري الي يشوفه قال وش ذالغلام=الله لو هو قريباً لي ولو صاحبي
مايدري اني على الفاضي ورايح عدام=واقل وصف استحقه خبل والا غبي
والهيئه لو شفتها نوري يعود ضلام=ركب تصافق وفيه اقدام تتلاعبي
هذي حياة الشباب الي خرج ع النضام=بلا كرامه ولا عادات ومذاهبي

.

واذا تبونها صوتيه تامرون امر لكن لازم مجهود احد خبراء الصوتيات