ابو راشد في اول محاورة بمجالس رباع

البدع=
بصبر على غربتي والروح من حده على الذي تهلك القدرات من دونـه=
ما بقدر أنسى هوا المحبوب مـن وده ولا قدر ابدي له الخافي ومكنونـه=
اصمت على نار قلباً مشعـلاً كبـده وا جامل اللي ضحك والروح محزونه=
ما غير أحسب مرور الوقت واعـده يوم ورى يوم كـم قلبـي يكيدونـه=
لا قلت بصبر تهون الوقـت يشتـده ون قلت بترك هواه الروح مغبونـه=
عايش على احلام مثل النبع من عده تايه بفكري معه والروح مسجونـه=
لا ناشدوني العرب عن سبـة الغـده اقول برداً لحـق جسمـي يدفونـه=
اخفي جروحي ونوني يفضحه خـده واقول طرفي قذي وهلـي يقذ

الرد=

أحاول انطق بما في الصدر ورتـده خايف من الناس رايي ما يطيعونه=
يا تعبة المترجي لأمـن لقـي صـده ولا لقي عن هـواه اللـي يردونـه=
ببقى على حالتـي كـلاً علـى قـده واصبر على ما بلني الله بطاعونـه=
لو شال همي جبل مـا يرتفـع رده والناس مهما تهـزوا مـا يشلونـه=
قلبي معنا ولـه فـي ذا العنـا مـده يا ليت يدري بي الي صرت مجنونه=
يـا طيـر ود الخبـر لحبيبـي وده واحذر من الناس علمي لا يحسونه=
قله ترى القوت عنه الـروح منسـده والناس تهنا بشرب الما ويسقونـه=
وابغي جواباً يجي ياطير مـن جـده ما هو بتصريف هرجاً ل
أسرع وجبلي الخبر يا طير من عنده قلبي كم الجمر ذاك الـي يشبونـه=
وأن كان خلي لغيري راحـلاً شـده هرجي وصيه معك يبقـى يغنونـه=