هات النضر

هذه القصيده اخر انتاج علي السبيه الغلبان
ان مريتم مشكورين وان طنشتم مشكورين

هات النضر يارموش الزين وآمي لي=حنّي على قلبي الملهوف وآمي له
ياويل قلبي من اللهفه وياويلي=واللي تعذبه نار الشوق ياويله
ماضن يقبل مع اهل الحب تعديلي =والحظ يااهل الهوى مافيه تعديله
لو قلت ياشوق دربك لك ودربي لي=يسابق الخطوه حتى عاد دربي له
ليت العيون النواعس يوم تاوي لي=والقلب ياليتها باالنضره تاوي له
كم دمعة الحب طاحت في مناديلي=وباكي الحب ماجفّت مناديله
هذه نجومه تصاحبني مع ليلي=سهّر عيوني ولا غابت مع ليله
اهل المحبه في الدنيا معاليلي=والحب قاسي ولا يرحم معاليله
لو كنت انا فارسه واركض على خيلي=ماكل فارس يبرّع موقفه خيله
ماطحت من حبي الا في غرابيلي=والقلب مازاد فيه الا غرابيله
كن المحبه مع غيري ولا هي لي=وشلون توصل لقلبي دام ماهي له
مع بريد الهوى ضاعت مراسيلي=ولا وصلني رساله من مراسيله
ارضيت ياحب في قلبي عواذيلي=يطيح سهم الذي ترضى عواذيله
وان كنت ياحب من سنّي ومن جيلي=لكن ماكل قلبً وافقه جيله