غريبه كل اشيائي

فمان البوح ياقلبي اذا مستنزفك واسقاك= فمان اعيون مات الحب فيها واصبحت موقه
فمان الوقت يوم يضمد اجروحك ولا ينساك=فمان الدمعه اللي في عيون العشق مخنوقه
فمان الصوت يوم انه ينادي في الوداع اهواك=ولا يسمع سواه الصوت رد بحرف طاروقه
فمان ولاقدرت اكتب قصيده والسبب فرقاك =حرام العشق يتسمى وماله فيك معشوقه
قوى يأس الزمن يذبح أمل غدر وبدون عراك= وفاض العمر بحزانه وشل ايديه وعروقه
تنهد صدر عاشق ممتلي من حرقتك برضاك=على اجمل ملامح لين صارت شبه محروقه
قويت اجمع بقايا عشقي الميت من الاشواك=واشممها عطر ذكراي يوم اختاره بذوقه
عساه يعيش عقب الموت من عطرا يندي ماك = عساه يعيش بشواق(ن) من الاحلام مسروقه
غريبه كل اشيائي معي ماتملك الادراك = تنادي ليت من روح خذاني بالشعر طوقه
واذا اشيائي تتمنا تخليني وهي تبغاك =ابكتبها على قطعة ورق لكن مشقوقه
وابحرقها وانا اتغنى بمان اللي بغى يلقاك= لقاك ويوم مد يديه صافح بالهوا شوقه

وسلامتكم
القصيده للنادر الصغير