مجاراتي ل (زهران ) مساءك غير

أستاذي الفاضل زهران ،،،،،

أتمنى أن تنال هذه المجارات المتواضعة اعجابك واعجاب المتابعين لهذا القسم ،،،

تعال وبعثر الجرح القديم بحجة التغيير=
تعال وشوف تعويذة همومي صعلكه وأشباح=
.=
تعال وشوف كيف أرسم جدار ومومياء وبير=
وحبل وغيمتين وتمتمه في دعوة الفلاح=
.=
تعال أعلمك وشلون أعيش بعالم التحرير=
اذا صار الفضا سجن وزوايا عالمي ذباح=
.=
أنا يابلسمي نزفي قصايد ترفض التكسير=
وأنا نبضي حروف وتشعل الدنيا سمر وأفراح=
.=
بديتك حلم يسكن شارعي في لحظة التنوير=
وسقيتك من سما شوقي حنين بكاسي المقراح=
.=
تقول الشوق زايد فيك وانا كاره التبذير=
واقول ان جف ينبوعه تموت بحسرته يا صاح=
.=
على ذاك الضريح اللي نطوفه والغلا تكبير=
شهق صوت الوحيد اللي تناثر من يده مسباح=
.=
طواه الهم والذكرى بقايا من حثيث السير=
تلحف في كفن حزن ونسى بان الحنين وشاح=
.=
يطول الحكي لكن قبل ما انسى مساءك غير=

عشان تعيش نكهات الكرز والتوت والتفاح=

وسلامة قلوبكم ////////