قبل الرحيــل (وجه السحاب )

أقبلوها بتواضعها وكرمكم

ياللي زرعت البعد لا تنشد عن أسباب الغياب = وشوف حال الأجوبه يوم أنهكتها الأسئله
الصاحب اللي حط لي في صدته لذة عذاب = أشتقت له وأشتاق لي واشتاق لي وأشتقت له
لو سيف أبو زيد الهلالي تكسره شلفا ذياب = يمكن أقول اني مسكت اول خيوط المهزله
تعبت وآنا في رجى الامطار يا وجه السحاب = صدري يبس بالله ياوجه السحاب تبلله
تعال قرب شوف قلبي في غرامك كيف ذاب = ترى فراقك حمل والله ما قدرت أتحمله
خذ دمع عيني حبر تكتب به وخذ صدري كتاب = ابغاك تكتبني محبه ثم تقراني وله
فتحت لك بيبان قلبي كل أبوها باب ! باب = والحين أفكر في غيابك كل باب آقفله
تعال شوف البعد كيف يحول آمآلي سراب = وشوف كيف آخذ حضورك بالحضن وآقبله
البعد هم وملعنة خير وضيقه واكتئاب = والقرب فرحه من ورى حدب الضلوع مكبله
لا صرت مجرم حب تلقاني معك يوم الحساب = واقول أنا حرمت بعده بس هذا حلله
أما تجي توقف معي والا مع وجه السحاب = وجه السحاب اللي يبس صدري وهو ما بلله