تبي تحس بالاهانة والذل راجع هاالجهات الحكوميه

اوووف

أحبك ياوطن .. لكن لي عتب

السارق يسجن ولاتقطع يده

القاتل تدفع له الديه ويخرج للدنيا

متعاطي المخدرات لايستقبله مستشفي الامل ويرسلونه لااهله ليذيقهم انواع العذاب تحت تاثير المخدرات واتضح لي ان مستشفيات الامل ----- بحاجه الى أمل

صندوق التنمية العقارية يعطي المواطن قرض 300 الف وبناء المسكن يكلف مليون ونصف من الريالات


مكتب العمل والعمال يتعهد بتوظيف الشباب السعودي برواتب لاتزيد عن 1300 وكيس الرز 280 ريال والسكر 120 ريال وفاتورة الكهرباء 300 ريال والهاتف 290 ريال واجار الشقه 26000 ريال


وزير الخدمه المدنيه عندما طلب مجلسا لشورىأستجوابه مرض المسكين واعتذر عن الحضور سلامات


رجال الدوريات الامنيه تجدهم تحت الاشجار وخلف الاسوار بحثاً عن الظل معذورين الحر مايرحم كان الله في عونهم البواسل حماة الوطن

تبي تصير رجل اعمال ناجح --- سلم رقبتك للاجنبي وخذلك كل شهر كم ريال واحمد ربك
لأن الجوازات مشغوله باأصدار الاقامات للاجانب يادوب يلحقون مساكين مضغوطين


تبي تجدد بطاقة الاحوال حقتك الله يعينك أمسك سرى ثلاثه او أربعة أيام وسط الحر والاهانات واذا جاء رقمك بعد ماتخيس وتوصل للموظف يقولك اوراقك ناقصه رح كمله وأرجع لنا والله يعينك كمل اوراقك وارجع امسك سرى ثلاثة أيام لين توصل لطويل العمر موظف الشباك ------------ وثق تماماً انه بيرجعك لانه نسا يقولك جيب الورقه الناقصه


تبي تفتك من شر المرور امن عند احد الشركات ويوم لاقدر الله يصير لك حادث عطهم كرت التامين شي طبيعي يرد عليك رجل المرور ويقول لك هاذي الشركه غير معتمده وعادي ترد عليه انته وتقوله ياخي ان سويت التامين من عند الشركه اللي بجنب المرور يرد عليك رجل المرور ويقولك وانا وش دخلني هاذي الشركه مو مسجله عندنا -- والغريب انها فعلاً مبناها يلاصق مبني أدارة المرور

تبي تحس بالاهانة والذل راجع هالاإدارات

الجوازات
المرور
الاحوال
البلديه
وزارة الخدمة المدنية
مكتب العمل
مصلحة المعاشات والتعاقد
وزارة التعليم
بنك التسليف
تعليم البنات
وزارة الصحه
وزارة التجارة
شركة الكهرباء


والغريب ان اعضاء مجلس الشورى هم نفسهم رؤساء الشركات اللتي تم ذكرها مسبقاً