يابشر تكفون حلو عن سمايه

يا بشـر تكفـون حـلـّو عن سـمـايـه
ما يصيب الهرج لو الهرج صوبي

كم سـكـت لـكـم بما فـيه الـكـفــايـة
اشتمـونـي لو زعلتوا واشـمتـوا بي

عـيـبـوني واتـركـونـي فـي عـمـايه
واتـركـوا لـي واحد يرضى عيوبـي

اتـركـوا لـي واحـد يـمـسـح شقـايــه
كـل مـا حـط الـزمـن دوبـه ودوبــي

ذاك والله لـو ذكــرت انــه ورايـــه
اشعر إن الكون كله وسـط ثـوبــي

يـكـفـي انـه لـو يـسـولـف لـلـمرايـه
كن صوته يهمس لصورته.. ذوبي

كيف أنا ما أذوب ما دامه مـعـايـه
اسمعه وأسهر معه لآخـر دروبـي

كل ما قال الـسهـر درب الـغـوايـة
قلت كـله من عـيـونـك هـبـّـلـوا بي

وكـل ما قـال الـخطا ماهـو خطايه
قلت له قل للـعـيـون الـسـود تـوبـي

ضـيـعـتـنـي واســأل الله الـهـدايــة
وين أجيب العقل.. أجيبه من جيوبي

مـن يـعـرفـك ما يـدل الـعـقـل رايـة
يا شروق العمر.. مدري يا غروبي

أذكـر انـك كـنت لي مثـل الـهـوايـة
لو تروح ولو تـجي يـبـقى شـحوبي

بس مدري كيف صرت اليوم غايــة
وصرت أجي وأروح مدري عن دروبي

يا بعـد عـمر الـكـتـابــة والــقـرايـة
يا الـشـمالي يابـو الملح الجـنـوبـي

لا قـريـت اللي كـتـبــته يـا رجـايه
رح وبلـغ ربـعي اللي جـنـنـوا بـي

قـلهـم يـمـكـن يـخـلـون الـوشـايــة
و إن تـمـادوا خـلهم مهما حكوا بي

أنت خـلـك بس في الـدنيـا عـزايـه
لا تفكر في العواذل وأنت صوبـي

ادري إن كــل درب ولـه نـهــايــة
بـس أنـا بـاقـي معك لآخر دروبي
يتكلم بالجواليتكلم بالجوال