تعبت اتجنّد الاوهام واحملها على كتفي

هذه القصيده اخر انتاج علي السبيه الغلبان
ان مريتم مشكورين وان طنشتم مشكورين

تعبت اتجنّد الاوهام واحملها على كتفي=تعبت اشكي على الدنيا وهي تضحك من احزاني
تعبت اسقّي الورده ويجرح شوكها كفّي=تعبت الملم الكلمه ويتلعثم بها اللساني
تعبت وجفني الساهر على صدر التعب يغفي=ودمعه من حنين الشوق حارت بين الاجفاني
بلغ مني التعب حده ويكفي يازمن يكفي=امانه مابقي من عمري الا شيل الاكفاني
كتبت الشعر بعروقي ومن دمّي انسكب حرفي=معانيها على اعصابي تونّ وتعزف الحاني
وصفت الحال لين احتار لكن مابلغ وصفي=مع درب العنى والخوف تاهت كل قيفاني
شكت عيني على قلبي ونصفي يشتكي نصفي=حملت اثقال ما يقوى عليها جهد الانساني
و روحي وآلفت دنيا غريبه مالها ولفي=تبعثرها الهبوب اللي تهب ابكل الاحياني
وانا بين الرجاء واليأس لا حاضر ولا منفي=يزاحمني مسار الوقت وانا فيه وحداني
ادور في غياهيب الليالي نجمي المخفي=على الهامش مشيت اتبع غروبه لكن اعماني