سافر حبيب الروح

إقبلوها بعلاتها

سافر حبيب الروح وأخذيها أمانه يا دبي=لاجاك فزًي له وقومي بالورود أستقبليه
وأخذي ورود الشارقه وأخذي حدايق بو ظبي=هذا حبيبي كل ورد الكون ما يغلا عليه
ممكن طلب حتى قبل لا تسألينه وش يبي؟=أول خذيه بحضنك الدافي وبعدين أساليه
الصاحب اللي في غيابه زاد همي وتعبي=نوبي عن إحساسي وشوقي والمشاعر وأحضنيه
زادي دفا صوته وفي منهل عيونه مشربي=أجيه لا يبست شفاه الشوق ظامي وأرتويه
راح وترك دمعة عيوني بين طيات كتبي=وصرت أنا وأصدق حروف الشعر نتخاصم نبيه
لو حد فاسي ركًز النظرات في حزن حطبي=كان أصبحت صحراه غابه من غنج وأغصان تيه
تدرين حتى لو خسرت العمر حبه مكسبي=لكن طلبتك قبل يرجع بالهداوه فهميه
لاجيه تدفعني له أشواقي ويحبي لي حبي=إن باعني كيف أقطع حدود الكرامه وأشتريه
لو ينشرى يوم الخميس أبيع لولي وذهبي=ويجيبه الطيار جعل الله يرحم والديه
بس طمني قلبي متى غادر مطارك يا دبي=وآنا بشوق القلب وإحساس المحبه بحتريه