السوق التجاري

كلما مرّيت لي سوقً تجاري=شافت اعيوني بداخله العجب
يعلن الانذار حالات الطواري=من زحام الناس شئ ما ينحسب
المواتر تشتعل فيهاالبواري=واكثر سوّاقينها ماهم عرب
الهمر والجمس والجيب السفاري=فوق موج البحر ماتاخذ مطب
والخلايق تزدحم والكل شاري=حتى اللي طفران يلقى مايحب
زحمت الحجّاج في رمي الجماري=من محل الاقمشه لين الذهب
اللي تتقايس لها فستان عاري=والذي واقف يفتّل في الشنب
واللي تمشي زاهيه بين العذاري=مثل مشي الرّيم والخيل السكب
والذي عينه مثل عين البخاري=كود يضهر نونها بين الهدب
وياصديق الكلمه اللي باالدواري=بين ربّات العبايا جب وجب
ليل الاسواق انكشف مثل النهاري=تلمع انواره مثل لمع الشهب
عاد ليل السوق باين من عصاري=وعاد وصفه دارجه من غير طب