يا ناعس الطرف

ياناعس الطرف وش باقي من ايامي=العمر روح وانا في حروة الجيه

على الرجا قام قلبي يسبق انسامي=والنار في داخلي تطفى وهي حيه

من قوة الشوق يومي كنه اعوامي=بين الثواني سنين العمر مخفيه

في صورة البدر لك طله وهو سامي=اقول هذاك وجهك او اهو زيه

اعطاك ربي جمال اوزادك الهامي=يذوب فيك الغرور او ينكسر غيه

صديت نفسي وحاولت ابعد اهيامي=لقيتني غصب اعود يا بعد حيه

ياخوفي القلب يكسر ظلعه الحامي=من قوة الشوق يرجف كل مافيه

شوقك غدا يرسم احزاني على احلامي=وايذوب فيها غلاك او تكبر الكيه

لو كان بيدي سقيت العاشق الظامي=لكن الاقدار لا بيدك ولا ايديه